"ஆவின் நிறுவனத்திடம் இனிப்பை வாங்குங்கள்" - முதலமைச்சர் மு.க.ஸ்டாலின் திடீர் உத்தரவு

போக்குவரத்து கழக ஊழியர்களுக்கான தீபாவளி இனிப்புகளை ஆவின் நிறுவனத்திடமே கொள்முதல் செய்ய வேண்டும் என முதல்வர் உத்தரவிட்டுள்ளார்.
ஆவின் நிறுவனத்திடம் இனிப்பை வாங்குங்கள் - முதலமைச்சர் மு.க.ஸ்டாலின் திடீர் உத்தரவு
x
போக்குவரத்து கழக ஊழியர்களுக்கான தீபாவளி இனிப்புகளை ஆவின் நிறுவனத்திடமே கொள்முதல் செய்ய வேண்டும் என முதல்வர் உத்தரவிட்டுள்ளார். பண்டிகைக்கு ஆண்டுதோறும் இனிப்புகள் வழங்குவது வழக்கம். இதற்காக அரசு போக்குவரத்து கழகம் சார்பில் இனிப்பு கொள்முதல் தொடர்பாக தனித்தனியே டெண்டர் கோரப்பட்டுள்ளது. குறிப்பாக இனிப்பு ஆர்டர் எடுக்கும் நிறுவனத்துக்கு ஆண்டுக்கு அதிகளவில் வர்த்தகம் இருக்க வேண்டும் என விதி உருவாக்கப்பட்டதாகவும், அது குறிப்பிட்ட தனியார் நிறுவனத்துக்கு சாதகமாக இருப்பதாகவும் தகவல் வெளியானது. அதே வேளையில், ஆவின் நிறுவனத்திடம் இனிப்பு கொள்முதல் செய்தால், மற்றொரு அரசு துறை நிறுவனமான ஆவின் நிறுவனம் பயன் பெறுவதுடன், விலையும் குறைவாக இருக்கும் என்பதே போக்குவரத்து கழக ஊழியர்களின் எதிர்பார்ப்பாக இருந்தது.  இது குறித்த தகவல்கள், முதலமைச்சர் மு.க.ஸ்டாலினுக்கு தெரியவந்த நிலையில்,  ஆவின் நிறுவனத்திடமே தீபாவளிக்கு இனிப்புகள் கொள்முதல் செய்ய வேண்டும் என்று உத்தரவிட்டுள்ளார்.



Next Story

மேலும் செய்திகள்