வாக்கு எண்ணிக்கையில் முறைகேடு என வழக்கு - தேர்தல் ஆணையம் மீது நம்பிக்கை தெரிவித்த உயர்நீதிமன்றம்

நடந்து முடிந்த உள்ளாட்சி தேர்தலின் வாக்கு எண்ணிக்கையை முறையாக நடத்த மாநில தேர்தல் ஆணையம் நடவடிக்கை எடுக்கும் என சென்னை உயர்நீதிமன்றம் நம்பிக்கை தெரிவித்துள்ளது.  தமிழகத்தில் ஊரக உள்ளாட்சி அமைப்புகளுக்கான தேர்தல் இரண்டு கட்டமாக நடந்து முடிந்ததை அடுத்து இன்று வாக்கு எண்ணிக்கை நடைபெற்று வருகிறது. இந்த நிலையில் வாக்கு எண்ணிக்கையில் முறைகேடு நடக்க வாய்ப்புள்ளதால் வீடியோ பதிவு செய்ய கோரி வழக்கு தொடரப்பட்டது.