நாளை டெல்லி செல்கிறார் தமிழக ஆளுநர் - பொறுப்பேற்ற பின் முதன்முறையாக பயணம்

தமிழக ஆளுநர் ஆர்.என்.ரவி, நாளை டெல்லி செல்ல உள்ளார். ஆர்.என்.ரவி தமிழகத்தின் ஆளுநராக கடந்த 18ஆம் தேதி பதவி ஏற்று கொண்டார். இந்நிலையில், பதவியேற்ற பின் முதன் முறையாக அவர், நாளை டெல்லி செல்ல உள்ளார். காலை 7 மணிக்கு விமானத்தில் புறப்பட உள்ள தமிழக ஆளுநர், டெல்லியில் 2 அல்லது 3 நாள் தங்கியிருந்து, பின் திரும்புவார் என கூறப்படுகிறது. குடியரசு தலைவர் ராம்நாத் கோவிந்த், உள்துறை அமைச்சர் அமித்ஷா ஆகியோரை டெல்லியில் சந்திக்க உள்ளதாகவும் தகவல் வெளியாகி உள்ளது.