4 மாதங்களுக்கு பிறகு ஊட்டி மலை ரயில் சேவை மீண்டும் தொடங்கியது

மனதை வருடிச் செல்லும் தென்றல் காற்று, வெண்மேகங்கள் தவிழ்ந்து விளையாடும் மலைப்பகுதி,சலசல என சப்தமிடும் நீரோடைகள், பச்சைப்பசேல் என பரந்து விரிந்த தேயிலை தோட்டங்கள்... இவற்றையெல்லாம் தாண்டி பாறைகளை குடைந்து உருவாக்கப்பட்ட குகைகள் வழியாக தவழ்ந்து செல்லும் போது... ஒரு நிமிடம் தங்களையே  மறந்துவிடுகின்றனர்... சுற்றுலா பயணிகள்... 

ஊர்ந்து செல்லும் மலை ரயில் காண்பதற்கே அற்புதமாக கட்சியளிக்க... அதனுள் விரும்பி பயணிக்கும் சுற்றுலா பயணிகளின் அனுபவம் முற்றிலும் இயற்கையோடு ஒன்றிணைந்தது... மலைகளின் அரசி... சுற்றுலா பயணிகளின் சொர்க்க பூமி... என உள்ளத்தை கொள்ளை கொண்ட ஊட்டிக்கு கோவை மாவட்டம் மேட்டுப்பாளையத்தில் இருந்து இயக்கப்பட்டு வருகிறது... இந்த அழகிய மலை ரயில்... 

கடந்த 1899ம் ஆண்டு ஜூன் 15ம் தேதி தொடங்கிய இந்த ரயில் சேவை... மலைப்பாதையில் உள்ள 208 வளைவுகளில் வளைந்து நெளிந்து செல்லும் காட்சி... காண்போரை பரவசப்படுத்தும்... மேட்டுப்பாளையத்திலிருந்து குன்னூருக்கு நீராவி ரயில் என்ஜினும் குன்னூரில் இருந்து உதகைக்கு டீசல் என்ஜினும் இயக்கப்பட்டு வருகிறது.. ஆசியாவிலேயே மிக செங்குத்தான இந்த மலை ரயில் பாதை... கடந்த 2005ம் ஆண்டு உலக பாரம்பரிய சின்னமாக அறிவித்தது, யுனெஸ்கோ