தமிழக முதலமைச்சராக வாய்ப்புக்கு அடித்தளம் இட்டது இளைஞர் அணி - முதல்வர் ஸ்டாலின் பெருமிதம்

சமூக வலைதளங்களை பயன்படுத்தி திமுக வளர்ச்சிக்கு  இளைஞரணியினர் பாடுபட வேண்டும் என தமிழக முதலமைச்சரும் திமுக தலைவருமான மு.க.ஸ்டாலின் கேட்டுகொண்டுள்ளார்.

 திராவிட முன்னேற்றக் கழகத்தின் இளைஞரணி தொடங்கப்பட்ட தினத்தையொட்டி திமுக தலைவர்  ஸ்டாலின் அறிக்கை வெளியிட்டுள்ளார். இந்த அறிக்கையில் 1980 ஆம் ஆண்டு மறைந்த திமுக தலைவர் கருணாநிதியால் இளைஞர் அணி துவக்கப்பட்டதாக தெரிவித்துள்ளார். 40 ஆண்டுகளுக்கு முன் இளைஞர் அணியை வழி நடத்தி செல்லும் வாய்ப்பை தாம் பெற்றதாகவும் ஸ்டாலின்  கூறியுள்ளார். தமிழக முதலமைச்சராக வாய்ப்புக்கு அடித்தளம் இட்டது இளைஞர் அணி தான் எனவும் ஸ்டாலின் பெருமிதம் தெரிவித்துள்ளார். உயர் கல்வி, சிறந்த வேலை வாய்ப்பு, உடல் நலம்,  ஆகியவற்றோடு திமுக பணியையும் ஆற்றி இளைஞரணியினர் சிறக்க வேண்டும் என்று  ஸ்டாலின் கேட்டுகொண்டுள்ளார்.