தமிழகத்தில் மேலும் 16,665 பேருக்கு கொரோனா

தமிழகத்தில் ஏப்ரல் 19ஆம் தேதி, ஒரு நாள் கொரோனா பாதிப்பு 10 ஆயிரத்து 941 ஆக இருந்த நிலையில், தற்போது ஒரு நாள் கொரோனா பாதிப்பு 16 ஆயிரத்து 665 ஆக உயர்ந்துள்ளது. இதன் மூலம் மொத்த கொரோனா பாதிப்பு 11 லட்சத்து 30 ஆயிரத்து 167 ஆக உயர்ந்துள்ளது. கொரோனாவால் ஒரே நாளில் 98 பேர் உயிரிழந்த நிலையில், மொத்த உயிரிழப்பு எண்ணிக்கை 13 ஆயிரத்து 826 ஆக உயர்ந்துள்ளது. தமிழகத்தில் தற்போது கொரோனாவுக்கு ஒரு லட்சத்து 10 ஆயிரத்து 308 பேர் சிகிச்சை பெற்று வரும் நிலையில், ஒரு நாளில் 15 ஆயிரத்து 114 பேர் குணமடைந்துள்ளனர். இதனிடையே தமிழகத்தில் 15 பேருக்கு உருமாறிய கொரோனா தொற்று ஏற்பட்டுள்ள நிலையில், 12 வயது வரை உள்ள சிறார்களில் புதிதாக 571 பேருக்கு கொரோனா பாதிப்பு ஏற்பட்டுள்ளது.