"உயிர்களைப் பறிக்கும் அதிவேக சூப்பர் பைக்" - தடை விதிக்க ராமதாஸ் கோரிக்கை

அதிவேக சூப்பர் பைக்குகளை தடை செய்ய வேண்டும் என ப.ம.க. நிறுவனர் ராமதாஸ் அரசுக்கு கோரிக்கை விடுத்துள்ளார். இதுதொடர்பாக அவர் வெளியிட்டுள்ள அறிக்கையில்,அதிவேக இரு சக்கர வாகனங்களில் சாகசம் செய்யும் தாகத்துடன் பயணிக்கும் இளைஞர்கள், சாலை விபத்துகளில் சிக்கி உயிரிழப்பது அதிகரித்து வருவதாக தமது அறிக்கையில்  சுட்டிக்காட்டி உள்ளார். மேலும், சூப்பர் பைக் விபத்துகளில் தங்களின் பிள்ளைகளை இழந்த பெற்றோர் அனுபவித்த, இன்னும் அனுபவித்துக் கொண்டிருக்கும் துயரங்களை வார்த்தைகளில் வர்ணிக்க முடியாது என தெரிவித்துள்ள ராமதாஸ், அதிவேக சூப்பர் பைக்குகளை தடை செய்ய வேண்டும் என்று கோரிக்கை விடுத்துள்ளார்.  சாதாரண வாகனங்களை ஓட்டி அனுபவம் பெற்ற பின்னர்  தான், கனரக மற்றும் அதிவேக வாகனங்களை இயக்க அனுமதிக்கும் வகையில் ஓட்டுனர் உரிமம் வழங்குவதற்கான விதிகளை மாற்றியமைக்க வேண்டும் என்றும்  ராமதாஸ் வலியுறுத்தி உள்ளார்.