நெஞ்சுவலி காரணமாக நடிகர் விவேக் மருத்துவமனையில் அனுமதி

பிரபல நகைச்சுவை நடிகர் விவேக், இன்று காலை வீட்டில் இருந்த போது திடீரென நெஞ்சுவலி ஏற்பட்டுள்ளது. இதையடுத்து, உடனடியாக அவரது குடும்பத்தினர் சென்னை வடபழனியில் உள்ள தனியார் மருத்துவமனையில் அனுமதித்தனர். தற்போது விவேக்கிற்கு மருத்துவ குழுவினர் தீவிர சிகிச்சை அளித்து வருகின்றனர். நடிகர் விவேக் நேற்று சென்னை ஓமந்தூரார் அரசு மருத்துவமனையில் கொரோனா தடுப்பூசி செலுத்தி கொண்டது குறிப்பிடத்தக்கது. இதனிடையே நடிகர் விவேக் நலமுடன் இருப்பதாகவும், அவருக்கு ஆஞ்சியோ சிகிச்சை செய்யப்பட உள்ளதாகவும், விவேகின் மக்கள் தொடர்பு அதிகாரி நிகில் முருகன் தெரிவித்துள்ளார்.