மதுரையில் கொரோனா 2-வது அலை தீவிரம் - குடும்பம் குடும்பமாக தாக்கும் கொரோனா

மதுரை கோமதிபுரம் பகுதியில் ஒரே குடும்பத்தை சேர்ந்த 6 பேருக்கு கொரோனா தொற்று உறுதியாகி மருத்துவமனையில் அனுமதிக்கப்பட்டுள்ளனர். கோமதிபுரத்தில் 64 வயது முதியவருக்கு கொரோனா தொற்று உறுதியானது. அவரின் குடும்பத்தினருக்கு நடத்திய சோதனையில், 6 பேருக்கு கொரோனா தொற்று இருப்பது தெரியவந்தது. இதையடுத்து கோமதிபுரம் பகுதியை தகரத்தால் அடைத்து, கிருமி நாசினியை தெளித்தும், கபசூர குடிநீர் வழங்கும் பணியில் சுகாதாரத்துறை அதிகாரிகள் ஈடுபட்டுள்ளனர். மதுரையில் குடும்பம் குடும்பமாக கொரோனா தாக்கி வருவதால், மக்கள் அச்சத்தில் உறைந்துள்ளனர்.