கர்ப்பிணி பெண்ணிடம் செயின் பறிக்க முயற்சி - தரதரவென இழுத்துச் சென்ற கொடூரம்

இந்த சம்பவம் தொடர்பாக பல்லாவரம் போலீசார் வழக்கு பதிவு செய்து விசாரணை நடத்தியதில் பழைய பல்லாவரம் பகுதியை சேர்ந்த 22 வயதான தினேஷ்குமார் என்பவரை கைது செய்தனர்.  போதை மறுவாழ்வு மையத்தில் இருந்த போது அங்கிருந்தவர்களுடன் தொடர்பை ஏற்படுத்திக் கொண்ட தினேஷ்குமார், பின்னர் செயின் பறிப்பு, வழிப்பறி உள்ளிட்டவற்றில் ஈடுபட்டுள்ளார். அவர் கொடுத்த தகவலின் பேரில் மேலும் 5 பேரை கைது செய்த போலீசார் அவர்களை சிறையில் அடைத்தனர். இதில் பல்லாவரம் தினேஷை கைது செய்ய சென்ற போலீஸ் ஒருவர் தவறி விழுந்ததில் அவரின் கை முறிந்து சிகிச்சையில் உள்ளதும் குறிப்பிடத்தக்கது.