எதிர்கட்சிகளை ஒடுக்க பா.ஜ.க. முயற்சி - பிரகாஷ் காரத்

ஒட்டு மொத்த தேசத்தையும் நிர்வகிக்க வேண்டும் என்பதை பாஜக இலக்காக கொண்டுள்ளதாக மார்க்சிஸ்ட் கம்யூனிஸ்ட் கட்சியின் அரசியல் தலைமை குழு உறுப்பினர் பிரகாஷ் காரத் குற்றம்சாட்டியுள்ளார். மதுரை செல்லூர் பகுதியில் நடைபெற்ற அக்கட்சி கூட்டத்தில் பேசிய அவர் , எதிர்கட்சிகளை ஒடுக்க பாஜக  முயற்சித்து வருவதாக கூறினார். பின்னர் அக்கட்சியின் மாநில செயலாளர் பாலகிருஷ்ணன், மதுரை தொகுதி எம்.பி. சு.வெங்கடேசன் ஆகியோர் பேசினர். மதுரை எய்ம்ஸ் மருத்துவமனை பணிகளை துவங்க 15 முறை நாடாளுமன்றத்தில் தாம் கோரிக்கை வைத்ததாக வெங்கடேசன் தெரிவித்தார்