திட்டமிட்டப்படி டிசம்பர் 31-ல் தேதி அறிவிப்பு வெளியாகும் - ரஜினிகாந்த் டுவிட்டரில் வெளியிடுவார் என தகவல்

நடிகர் ரஜினிகாந்த் கட்சி தொடங்க உள்ளதற்கான அறிவிப்பு திட்டமிட்டப்படி 31 ஆம் தேதி வெளியாகும் என அவரது தரப்பு தகவல்கள் உறுதியாக தெரிவித்துள்ளன.
திட்டமிட்டப்படி டிசம்பர் 31-ல் தேதி அறிவிப்பு வெளியாகும் - ரஜினிகாந்த் டுவிட்டரில் வெளியிடுவார் என தகவல்
x
நடிகர் ரஜினிகாந்த் கட்சி தொடங்குவதற்கான அறிவிப்பை டிசம்பர் 31ஆம் தேதியன்று வெளியிடுவதாக  கடந்த 3 ஆம் தேதி அறிவித்தார். இதற்கு ஏதுவாக அண்ணாத்த படத்தை விரைந்து முடித்துக்கொடுக்க படபிடிப்புக்காக ஐதராபாத்திற்கு சென்றார். அங்கு படக்குழுவை சேர்ந்த 4 பேருக்கு தொற்று உறுதி செய்யப்பட்டது. இதனையடுத்து ரஜினிக்கு பரிசோதனை செய்த போது தொற்று இல்லை என தெரிவிக்கப்பட்டது. இந்நிலையில் திடீரென அவருடைய ரத்த அழுத்தத்தில் மாறுபாடு ஏற்பட்டதும் மருத்துவமனையில் அனுமதிக்கப்பட்டு சிகிச்சை பெற்று வந்தார். அவரது உடல்நலம் சரியானதும் டிஸ்ஜார்ஜ் செய்யப்பட்டார். அவர் ஒரு வார காலத்துக்கு வீட்டில் முழு ஓய்வில் இருக்கவேண்டும் என மருத்துவர்கள் அறிவுரை வழங்கியுள்ளனர். இதனால் திட்டமிட்டப்படி 31 ஆம் தேதி கட்சி தொடங்குவது தொடர்பான அறிவிப்பு வெளியாகுமா என்ற குழப்பம் நேரிட்டது. இந்நிலையில், திட்டமிட்டப்படி 31-ஆம் தேதி அறிவிப்பு வெளியாகும் என்றும் ரஜினிகாந்த் டுவிட்டரில் அறிவிப்பை வெளியிடுவார் என்றும் ரஜினிகாந்த் தரப்பு தகவல்கள் உறுதியாக தெரிவித்துள்ளன.


Next Story

மேலும் செய்திகள்