திருச்சி மத்திய மண்டலத்தில் 476 புதிய ரவுடிகள் : "63 பேர் மீது பாய்ந்தது குண்டர் சட்டம்" - திருச்சி மத்திய மண்டல ஐ.ஜி. ஜெயராம்
திருச்சி மத்திய மண்டலத்தில் 476 புதிய ரவுடிகள் உள்ளதாக தெரியவந்ததை தொடர்ந்து அவர்களுக்காக சரித்திர பதிவேடு துவங்கப்பட்டுள்ளதாக காவல்துறை தெரிவித்துள்ளது.
திருச்சி மத்திய மண்டலத்தில், திருச்சி புறநகர், புதுக்கோட்டை, அரியலூர், பெரம்பலூர், கரூர், தஞ்சை, நாகை, திருவாரூர், மயிலாடுதுறை என 9 மாவட்டங்கள் உள்ளன. இந்த மண்டலத்திற்கு உட்பட்ட ரவுடிகள் மீதான நடவடிக்கைகள் குறித்த பட்டியலை ஐஜியான ஜெயராம் வெளியிட்டுள்ளார். அதில், இதுவரை 2 ஆயிரத்து 690 ரவுடிகளின் சரித்திர பதிவேடு ஏற்கனவே உள்ளதாகவும், கடந்த 3 மாதங்களில் புதிய ரவுடிகளாக 476 பேர் மீது வழக்குப்பதிவு செய்யப்பட்டதோடு, அவர்களுக்கு சரித்திர பதிவேடு துவக்கப்பட்டுள்ளதாகவும் தெரிவிக்கப்பட்டுள்ளது. இவர்களில், 63 பேர் மீது குண்டர் தடுப்புச் சட்டம் போடப்பட்டுள்ளது என்றும், குற்றச் செயல்களில் ஈடுபடும் ரவுடிகள் மீது கடும் நடவடிக்கை எடுக்க, 9 மாவட்ட எஸ்.பி.களுக்கு உத்தரவு பிறப்பிக்கப்பட்டுள்ளதாகவும் தெரிவிக்கப்பட்டுள்ளது.
Next Story
