தொடர் திருட்டில் ஈடுபட்டு வந்த கொள்ளையன் கைது - சினிமா பாணியில் விரட்டி பிடித்து கைது செய்த போலீசார்

மதுரை மாவட்டம் சமயநல்லூரில் போலீசார் வாகன தணிக்கையில் ஈடுபட்டிருந்த போது பெஞ்சமின் என்ற பிரபல கொள்ளையன் தன் வாகனத்தை நிறுத்தாமல் வேகமாக சென்றுள்ளார். அவரை சினிமா பாணியில் போலீசாரும் விடாமல் துரத்திச் சென்று பிடித்தனர். அப்போது அவரிடம் இருந்த 2 துப்பாக்கிகள் மற்றும் தோட்டாக்கள் பறிமுதல் செய்யப்பட்டது. பல இடங்களில் கொள்ளை மற்றும் வழிப்பறியில் ஈடுபட்ட பெஞ்சமினிடம் இருந்து 47 சவரன் நகைகளும் பறிமுதல் செய்யப்பட்டன. இதையடுத்து கைதான கொள்ளையன் பெஞ்சமின் சிறையில் அடைக்கப்பட்டார்.