ஓய்வுபெற்ற நீதிபதி ஏ.ஆர்.லட்சுமணன் காலமானார்

உச்ச நீதிமன்ற ஓய்வுபெற்ற நீதிபதி ஏ.ஆர்.லட்சுமணன் காலமானார். அவருக்கு வயது 78.  திடீர் மாரடைப்பு காரணமாக திருச்சி தனியார் மருத்துவமனையில் அனுமதிக்கப்பட்ட அவர் இன்று காலை மரணமடைந்தார். கடந்த 2002ஆம் ஆண்டு முதல் 2007ஆம் ஆண்டு வரை உச்ச நீதிமன்ற நீதிபதி பதவியில் இருந்த ஏ.ஆர்.லட்சுமணன், சென்னை உயர் நீதிமன்றம், கேரள உயர் நீதிமன்றங்களில் நீதிபதியாகவும், ராஜஸ்தான் உயர் நீதிமன்ற தலைமை நீதிபதியாகவும் பணியாற்றினார். சொந்த ஊரான தேவக்கோட்டையில் இறுதிச்சடங்குகள் நடைபெறும் என அறிவிக்கப்பட்டுள்ளது.