மதுரை : சமூக இடைவெளி இன்றி செயல்பட்ட கடைகளுக்கு சீல் - பறக்கும்படையினர் அதிரடி
பதிவு : ஜூலை 25, 2020, 09:34 AM
மதுரை மாவட்டத்தில் நாளுக்கு நாள் கொரோனா தொற்று அதிகரித்துவரும் நிலையில் வரும் 30 ஆம் தேதிவரை தளர்வுகளுடன் கூடிய ஊரடங்கு அமல்படுத்தப்பட்டுள்ளது.

மதுரை மாவட்டத்தில் நாளுக்கு நாள் கொரோனா தொற்று அதிகரித்துவரும் நிலையில் வரும் 30 ஆம் தேதிவரை தளர்வுகளுடன் கூடிய ஊரடங்கு அமல்படுத்தப்பட்டுள்ளது. இந்நிலையில், சமூக இடைவெளியின்றியும், முக கவசங்கள் அணியாமல் இருந்த பத்துக்கும் மேற்பட்ட கடைகளுக்கு சீல் வைக்கப்பட்டது. மேலும், முக கவசங்கள் அணியாமல் வந்த வாகன ஒட்டிகள், பொதுமக்கள் என 200-க்கும் மேற்பட்டோருக்கு அபராதம் விதிக்கப்பட்டது. 

மாலை 6 மணிக்கே மூடப்பட்ட டாஸ்மாக் கடை - ஏமாற்றத்துடன் திரும்பி சென்ற மதுப்பிரியர்கள்

திருவாரூர் மாவட்டத்தில், கொரோனா பரவலை தடுக்கும் விதமாக, டாஸ்மாக் கடைகள் செயல்படும் நேரம் 2 மணி நேரம் குறைக்கப்பட்டு மாலை 6 மணிக்கே மூடப்பட்டது. இதை அறியாத குடிமகன் மாலை 6 மணிக்குமேல் வந்து, மதுபானக் கடையின் முன்பு, சமூக இடைவெளியின்றி கூட்டம் கூட்டமாக காத்திருந்தனர். இதையடுத்து, அங்கு வந்த காவல்துறையினர், மதுப்பிரியர்களை விரட்டியடித்ததால் ஏமாற்றத்துடன் திரும்பி சென்றனர்.

உயிரிழந்தவருக்கு கொரோனா தொற்று - இறுதி சடங்கில் பங்கேற்றவர்கள் அச்சம்

நெல்லை மாவட்டம், பணங்குடியை சேர்ந்த தொழிலதிபர் ஒருவர் காய்ச்சலுக்கு சிகிச்சை பெற்றுவந்து உயிரிழந்த நிலையில், அவருக்கு கொரோனா உறுதி செய்யப்பட்டது. இதையடுத்து, அவரின் இறுதி சடங்கில் பங்கேற்றவர்கள், தங்களை தனிமைப்படுத்தி கொள்ளவும், பரிசோதனை செய்து கொள்ளுமாறு சுகாதாரத்துறை அறிவுறுத்தி உள்ளது. பரிசோதனை முடிவுக்கு முடிவுக்கு முன் உடலை, உறவினர்களிடம் கொடுத்தால், தற்போது நாள்தோறும் ஏராளமானோர், பரிசோதனை மேற்கொள்ளவேண்டிய அவலநிலை ஏற்பட்டுள்ளதாக பொதுமக்கள் குற்றம்சாட்டி உள்ளனர்.

ஸ்ரீவில்லிபுத்தூரில் தளர்வுகள் இல்லாத ஊரடங்கு - துணை ஆட்சியர் அறிவிப்பு

ஸ்ரீவில்லிபுத்தூரில், நாளை முதல் ஆகஸ்ட் இரண்டாம் தேதி வரை தளர்வுகளே இல்லாத ஊரடங்கு  அறிவிக்கப்பட்டுள்ளது. நாளுக்கு நாள் அதிகரித்துவரும் கொரோனா பரவலை தடுக்கும் விதமாக, ஸ்ரீவில்லிபுத்தூர் வட்டத்திலுள்ள 28 கிராமங்களுக்கு முழு ஊரடங்கு அமுல்படுத்தப்பட்டுவதாக, துணை ஆட்சியர் முருகன் அறிவித்துள்ளார். மேலும், பால் மற்றும் மருந்து கடைகளுக்கு மட்டும்  இயங்க அனுமதி அளிக்கப்பட்டுள்ளது.

முன்னாள் ராணுவ வீரருக்கு, மாவட்ட ஆட்சியர் உதவி - சிகிச்சைக்காக பெங்களூரு செல்ல ஏற்பாடு

மதுரை மாவட்டம், பேரையூர் காடனேரியை சேர்ந்த ஓய்வு பெற்ற ராணுவ அதிகாரி செல்வராஜ், சிறுநீரகம் செயலிழந்த நிலையில் பாதிக்கப்பட்டுள்ளார். அவருக்கு, பெங்களூரில் உள்ள ராணுவ மருத்துவமனையில் சிகிச்சைக்கு அனுமதி கிடைத்தும், அங்கு செல்ல பண வசதி இன்றி தவித்து வந்துள்ளார். இதுதொடர்பாக, செல்வராஜின் மனைவி, மாவட்ட ஆட்சியரிடம் மனு அளிக்க, அவர் உடனடியாக ஆம்புலன்ஸ் வசதியை ஏற்பாடு செய்து கொடுத்து, சிகிச்சைக்காக அனுப்பி வைத்தனர்.

வளையல் அலங்காரத்தில் அருள்பாலித்த ஸ்ரீகருக்காத்தம்மன் - சமூக இடைவெளியுடன் அம்மனை தரிசித்த பெண்கள்

செங்கல்பட்டு மாவட்டம். மாமல்லபுரத்தில் உள்ள ஸ்ரீகருக்காத்தம்மன் கோயிலில் ஆடிப்பூரம் விழாவை முன்னிட்டு  அம்மனுக்கு 5 ஆயிரம் வளையல் கொண்டு அலங்கரிக்கப்பட்டிருந்தது. கோயிலுக்கு வந்த பெண்கள் சமூக இடைவெளியுடன் சென்று அம்மனை தரிசித்தனர். கோயில் முகப்பு வாயிலில் 1 மீட்டர் இடைவெளி தூரத்தில் முக கவசம் அணிந்த பெண்கள் மட்டுமே பொங்கல் வைக்க அனுமதிக்கப்பட்டனர். 

ஆடிப்பூரம் மற்றும் இரண்டாம் ஆடி வெள்ளி சிறப்பு வழிபாடு - அனுமதி மறுப்பு - பக்தர்கள் ஏமாற்றம்

கும்பகோணம் பகுதியில் உள்ள ஏழுலோக நாயகி அம்மன், நாகேஸ்வரர் கோவில்களில், ஆடி இரண்டாவது வெள்ளி மற்றும் ஆடிப்பூர விழா கொண்டாடப்பட்டது. அம்மனுக்கும் சிறப்பு சந்தன காப்பு அலங்காரம் செய்யப்பட்டு மகா தீபாராதனை நடைபெற்றது. கொரோனா ஊரடங்கால், பக்தர்களுக்கு அனுமதி மறுக்கப்பட்டதுடன், கடந்தாண்டு போல், விழா சிறப்பாக நடைபெறாததால், பக்தர்கள் ஏமாற்றம் அடைந்தனர்.

தொடர்புடைய செய்திகள்

தமிழகத்தில் புதிதாக 2 பல்கலை கழகங்கள் - அரசு பல்கலை. எண்ணிக்கை 15 ஆக உயர்வு

புதிதாக இரண்டு பல்கலைக் கழகங்கள் ஏற்படுத்தப்படும் என தமிழக அரசு அறிவித்ததன் மூலம், தமிழகத்தில்அரசு பல்கலைக்கழகங்களின் எண்ணிக்கை 15 ஆக உயர்கிறது.

621 views

புதிய கல்வி கொள்கை விவகாரம்: பேரவையில் விவாதிக்க அனுமதி மறுப்பு - சட்டப்பேரவையில் இருந்து தி.மு.க வெளிநடப்பு

புதிய கல்வி கொள்கை குறித்து விவாதிக்க அனுமதி மறுக்கப்பட்டதால், சட்டப்பேரவையில் இருந்து தி.மு.க-வினர் வெளிநடப்பு செய்தனர்.

26 views

நீட் விவகாரத்தில் சூர்யாவின் கருத்து ஏற்புடையது - நாம் தமிழர் கட்சியின் தலைமை ஒருங்கிணைப்பாளர் சீமான்

நடிகர் சூர்யாவுக்கு அனைவரும் ஆதரவளிக்க வேண்டும் என நாம் தமிழர் கட்சியின் தலைமை ஒருங்கிணைப்பாளர் சீமான், வலியுறுத்தி உள்ளார்.

17 views

நகராட்சி, மாநகராட்சி தனி அலுவலர் "பதவி காலம் மேலும் 6 மாதம் நீட்டிப்பு" - சட்ட முன் வடிவுக்கு தி.மு.க கடும் எதிர்ப்பு

நகராட்சி, மாநகராட்சி தனி அலுவலர்களின் பதவிக்காலத்தை டிசம்பர் 31ந் தேதி வரை ஆறு மாதங்களுக்கு நீட்டிக்கும் சட்டமசோதா, குரல் வாக்கெடுப்புடன் நிறைவேற்றப்பட்டது.

16 views

கிசான் முறைகேடு விசாரணை நிலை - பேரவையில் அமைச்சர் துரைகண்ணு விளக்கம்

கொரோனா நிவாரண நிதி எனக் கூறி ஆதார் அட்டையை பெற்று மோசடி செய்தது விசாரணையில் அம்பலமானதாக வேளாண்துறை அமைச்சர் துரைகண்ணு விளக்கம் அளித்தார்.

12 views

370 சட்டப் பிரிவு நீக்கப்பட்ட பின்னர் "தீவிரவாத தாக்குதல் பாதியாக குறைந்துள்ளது" - மாநிலங்களவையில் மத்திய அரசு தகவல்

ஜம்மு-காஷ்மீருக்கு சிறப்பு அந்தஸ்து வழங்கும் 370 சட்டப்பிரிவு நீக்கப்பட்ட பின்னர், நாட்டில் தீவிரவாத சம்பவங்கள் வெகுவாகக் குறைந்து உள்ளதாக மத்திய அரசு தெரிவித்து உள்ளது.

8 views

பிற செய்திகள்

"தமிழகத்தில் கொரோனாவை வைத்து கொள்ளையடிக்கும் ஆட்சி..." - திமுக தலைவர் ஸ்டாலின் குற்றச்சாட்டு

கொரோனா தொற்றை வைத்து கொள்ளையடித்த ஆட்சி தமிழகத்தில் நடப்பதாகவும், இன்னும் 6 மாதத்தில் பதில் சொல்லும் நிலை வரும் என திமுக தலைவர் ஸ்டாலின் குற்றஞ்சாட்டியுள்ளார்.

81 views

7 மாநில முதலமைச்சர்களுடன் பிரதமர் மோடி ஆலோசனை - கொரோனா தடுப்பு நிதி கோரிய முதலமைச்சர்

கொரோனா பரவல் தடுப்பு குறித்து 7 மாநில முதல்வர்களுடன் காணொலி காட்சி மூலம் உரையாடிய பிரதமர் மோடி, தமிழக அரசுக்கு வாழ்த்து தெரிவித்தார்.

13 views

சென்னை உயர்நீதிமன்றத்துக்கு புதிதாக 10 நீதிபதிகள் நியமனம்

சென்னை உயர் நீதிமன்றத்துக்கு புதிதாக 10 நீதிபதிகள் நியமனம் செய்யப்பட்டுள்ளனர்.

45 views

"மாணவர்களுக்கு பாடச் சுமையை குறைக்க நடவடிக்கை வேண்டும்" -திமுக முன்னாள் அமைச்சர் தங்கம் தென்னரசு

பள்ளிகளை எப்போது திறக்கலாம் என்பது குறித்து ஆய்வு செய்து அரசுக்கு அளித்த பரிந்துரை அறிக்கை பரண்மேல் தூங்குவதாக திமுக முன்னாள் அமைச்சர் தங்கம் தென்னரசு குற்றம்சாட்டியுள்ளார்.

21 views

கள்ளக்காதல் ஜோடிகளை குறிவைத்து கொள்ளை - 5 ஆண்டுகளுக்கும் மேலாக இது தான் தொழில் என வாக்குமூலம்

சென்னையில் பொது இடங்களில் தனிமையில் இருக்கும் கள்ளக்காதல் ஜோடிகளிடம் போலீஸ் என கூறி மிரட்டி பணம், நகைகளை பறித்துச் சென்ற கில்லாடி ஆசாமி நிஜ போலீசிடம் சிக்கிய கதையை பற்றி விவரிக்கிறது இந்த செய்தித் தொகுப்பு....

18 views

40% கல்விக் கட்டணம் வசூலிக்கும் காலக்கெடு நீட்டிப்பு இல்லை - சென்னை உயர் நீதிமன்றம்

கல்விக் கட்டணத்தில் 40 சதவீதம் செலுத்தும் முதல் தவணைக் காலத்தை, வரும் 30ஆம் தேதிக்கு மேல் நீட்டிக்க முடியாது என சென்னை உயர் நீதிமன்றம் தெரிவித்துள்ளது.

74 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.