கொரோனா தடுப்பூசியான கோவேக்சின் மருந்தை கண்டறிந்த தமிழர் - நம் மண்ணின் மணிமகுடத்தில் மேலும் ஒரு விலை மதிப்பற்ற கல்
பதிவு : ஜூலை 09, 2020, 08:16 AM
கொரோனாவுக்கு இந்தியாவின் முதல் தடுப்பூசியை கண்டுபிடித்த பாரத் பயோடெக் நிறுவனத்தின் உரிமையாளரான கிருஷ்ணா எல்லா தமிழகத்தை சேர்ந்தவர்.
நாட்டையே உலுக்கிக் கொண்டிருக்கும் கொ​ரோனாவுக்கு தீர்வு என்ன? என எல்லோரும் அல்லாடிக் கொண்டிருக்கும் சூழலில் இந்தியாவின் முதல் கண்டுபிடிப்பாக வெளியானது தான் கோவேக்சின் மருந்து. பாரத் பயோடெக் நிறுவனத்தின் கண்டுபிடிப்பான இந்த மருந்தை மனிதர்கள் மீது சோதனை நடத்த ஐசிஎம்ஆர் பரிந்துரை செய்து அதற்கான பணிகளும் நடைபெற்று கொண்டிருக்கிறது. இதனிடையே இந்த பாரத் பயோ டெக் நிறுவனத்தின் உரிமையாளரான கிருஷ்ணா எல்லா தமிழகத்தை சேர்ந்தவர் என்ற செய்தி நமக்கெல்லாம் பெருமையளிக்க கூடியது. திருவள்ளூர் மாவட்டம் திருத்தணி அருகே உள்ள நெமிலி என்ற கிராமத்தில் விவசாயி ஒருவரின் மகனாக பிறந்தவரே கிருஷ்ணா எல்லா. அங்குள்ள பள்ளியில் படிப்பை முடித்து விட்டு ரோட்டரி திட்டத்தின் உதவியால் அமெரிக்காவிற்கு படிக்க சென்றுள்ளார். படிப்பு முடித்து அங்கேயே தங்க தீர்மானித்தவரை அவருடைய தாய் அன்புக்கட்டளை இட்டு மீண்டும் இந்தியாவிற்கு வரவழைத்துள்ளார். தன்னுடைய நாட்டு மக்களுக்கு தன் மகன் பணியாற்ற வேண்டும் என அவர் விரும்பிய கனவு இன்று நிறைவேறி இருக்கிறது. அமெரிக்காவில் இருந்து திரும்பி வந்த கிருஷ்ணா எல்லா, ஹைதராபாத்தில் தன்னுடைய நிறுவனத்தை தொடங்கியுள்ளார். 1995ல் மாசு இல்லாத தொழிற்பூங்காவை உருவாக்க திட்டமிட்ட சந்திரபாபு நாயுடுவின் முயற்சிக்கு முதல் வடிவம் கொடுத்தது இவரின் பாரத் பயோ டெக் நிறுவனம். இங்கு இருந்து தான் ஜிகா வைரஸூக்கான மருந்தை கண்டுபிடித்துள்ளார் கிருஷ்ணா எல்லா. இந்த தடுப்பூசிக்கு 30 முதல் 40 டாலர்கள் வரை உலக நாடுகள் விலை நிர்ணயித்த போதிலும் ஏழை மக்கள் பயன் பெற வேண்டும் என்ற நோக்கில் ஒரு டாலருக்கு மருந்தை அறிமுகப்படுத்தியவர் இவர்... இந்த மலிவு விலை மருந்து பலரால் கொண்டாடப்பட்டது. இந்த சூழலில் தான் கொரோனாவை கொல்ல கோவேக்சின் மருந்தை கண்டுபிடித்திருக்கிறார் கிருஷ்ணா எல்லா. கோவேக்சின் இந்தியாவின் முதல் தடுப்பூசி என்ற பெருமையை பெற்றிருக்கிறது. இந்த மருந்தை கண்டறிந்த கிருஷ்ணா எல்லாவை உலகமே கொண்டாடிக் கொண்டிருக்கும் சூழலில் அவரது சொந்த ஊர் மக்களும் மகிழ்ச்சியின் உச்சத்தில் உள்ளனர். 

தொடர்புடைய செய்திகள்

ராஃபி பருவ பயிர்களுக்கான குறைந்தபட்ச ஆதார விலை உயர்வு - மத்திய அமைச்சரவை ஒப்புதல்

ராஃபி பருவ பயிர்களுக்கான குறைந்தபட்ச ஆதார விலையை உயர்த்த மத்திய அமைச்சரவை ஒப்புதல் அளித்துள்ளதாக, மக்களவையில் வேளாண்துறை அமைச்சர் நரேந்திர சிங் தோமர் தெரிவித்தார்.

138 views

வேளாண் மசோதாவை திரும்ப பெறக்கோரி போராட்டம் - மசோதா நகல் எரிப்பு-நூற்றுக்கும் மேற்பட்டோர் கைது

வேளாண் மசோதாவை திரும்ப பெற கோரி சென்னையில் மே 17 இயக்கம் , தந்தை பெரியார் திராவிடர் கழகம் உள்ளிட்ட பல்வேறு அமைப்புகள் சார்பாக சென்னை நுங்கம்பாக்கத்தில் உள்ள சாஸ்திரி பவனை முற்றுகையிடும் போராட்டம் நடைபெற்றது,.

53 views

பிற செய்திகள்

"பள்ளி திறப்பு குறித்த இறுதி முடிவை முதலமைச்சர் அறிவிப்பார்" - பள்ளிக்கல்வி அமைச்சர் கே.ஏ.செங்கோட்டையன்

ஈரோடு மாவட்டம் சத்திய மங்கலத்தில் செய்தியாளர்களிடம் பேசிய அமைச்சர் கே.ஏ.செங்கோட்டையன், பள்ளி திறப்பது குறித்த அறிவிப்பில் எந்த குழப்பமும் இல்லை என கூறியுள்ளார்.

14 views

எஸ்.பி.பி. நினைவலைகளை பகிர்ந்த பிரபலங்கள்

மறைந்த பின்னணி பாடகர் எஸ்.பி.பி.க்கு திரை பிரபலங்கள் உள்ளிட்ட பலரும் புகழஞ்சலி செலுத்தினர்.

11 views

மண்ணுலகில் இருந்து விடைபெற்றார் பாட்டுத் தலைவன் - எஸ்.பி.பி.க்கு இசையால் அஞ்சலி செலுத்திய கலைஞர்கள்

காற்றில் கரைந்த பாடும் வானம்பாடிக்கு தமிழகத்தின் பல்வேறு பகுதிகளில் இசைக்கலைஞர்கள் இசையால் இறுதி அஞ்சலி செலுத்தினர்...

10 views

தமிழகத்தில் மேலும் 5,647 பேருக்கு கொரோனா

தமிழகத்தில் இன்று சுமார் 92 ஆயிரம் பேருக்கு கொரோனா பரிசோதனை மேற்கொண்டதில் 5 ஆயிரத்து 647 பேருக்கு தொற்று உறுதியாகி உள்ளது.

89 views

இந்தியா எப்போதும் சுயநலத்துடன் சிந்தித்தது இல்லை - பிரதமர் மோடி உரை தமிழில்

அமெரிக்க அதிபர் டிரம்ப், பாகிஸ்தான் பிரதமர் இம்ரான்கான் உள்பட 112 நாடுகளின் தலைவர்கள் பங்கேற்பு

46 views

முக கவசம் அணியததால் முதியவர் மீது நகராட்சி ஊழியர்கள் தாக்குதல்

காரைக்காலில் சாலையில் நடந்து சென்ற முதியவரை முக கவசம் அணியவில்லை எனக்கூறி, நகராட்சி ஊழியர்கள் தாக்கிய சம்பவம் பரபரப்பை ஏற்படுத்தியுள்ளது.

21 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.