ஜெயராஜ், பென்னிக்ஸ் குடும்பத்திற்கு ஜி.கே. வாசன் நேரில் ஆறுதல்

சாத்தான்குளத்தில் உயிரிழந்த ஜெயராஜ், பென்னிக்ஸ் குடும்பத்தினரை த.மா.கா. தலைவர் ஜி.கே. வாசன் நேரில் சந்தித்து ஆறுதல் கூறினார். அப்போது த.மா.கா சார்பில் 3 லட்சம் ரூபாய் நிதியுதவி வழங்கினார். பின்னர் செய்தியாளர்களிடம் பேசிய வாசன், காவல்துறைக்கு களங்கம் ஏற்படுத்தும் வகையில் சாத்தான்குளம் சம்பவம் நிகழ்ந்துள்ளதாக கூறினார். இவ்வழக்கில் கைது செய்யப்பட்டவர்கள் தண்டிக்கப்படுவார்கள் என்றும், உயிரிழந்த தந்தை, மகன் குடும்பத்திற்கு நியாயம் கிடைக்கும் என்றும் வாசன் தெரிவித்தார்.