சாத்தான்குளம் வியாபாரிகள் உயிரிழந்த சம்பவம் : வியாபாரிகள் கடையடைப்பு போராட்டம்...

புதுக்கோட்டையில்  50 ஆயிரத்திற்கும் மேற்பட்ட கடைகள் அடைக்கப்பட்டுள்ளன. மேலும் அனைத்து மருந்து கடைகளும் காலை 7 மணி முதல் 11 மணி வரை அடைக்கப்பட்டன. இருப்பினும் காய்கறி கடைகள் மற்றும் காய்கறி சந்தைகள் வழக்கம் போல் இயங்கின

இதைப்போல் சேலத்தில் 25 ஆயிரம் மளிகை கடைகள் மூடப்பட்டுள்ளன. இன்று 4 மணி நேரம் மருந்தக வணிகர்கள் கடையடைப்பில் ஈடுபட்டுள்ளனர். உயிரிழந்தவர்களின் குடும்பத்திற்கு அரசு 2 கோடி ரூபாய் நிவாரணம் வழங்க வேண்டும் என்றும் அவர்கள் வலியுறுத்தினர்.

மதுரையில் 80 சதவீத கடைகள் மற்றும் உணவகங்கள் மூடப்பட்டிருந்தன. மருந்துகடைகள் காலை 7மணி முதல் 11மணிவரை அடைக்கப்பட்டிருந்தன.  பொதுமக்களுக்கு அத்தியாவசிய பொருட்கள் கிடைப்பதில் சிக்கல் ஏற்பட்டது.