கொரோனா ஊரடங்கு காலத்தில் போ​லீசாரால் 15 பேர் அடித்துக் கொல்லப்பட்ட விவகாரம் : தமிழகம் உட்பட 8 மாநிலங்கள் அறிக்கை அளிக்க உத்தரவு

கொரோனா ஊரடங்கு காலத்தில், காவல் துறையினரால்15 பேர்  அடித்துக் கொல்லப்பட்டது தொடர்பாக தமிழகம் உள்ளிட்ட 8 மாநிலங்களுக்கு தேசிய மனித உரிமை ஆணையம் அறிக்கை கேட்டு நோட்டீஸ் அனுப்பியுள்ளது. நாடு முழுவதும் கொரோன பரவலை தடுக்க அமலில் உள்ள ஊரடங்கு காலத்தில், 8 மாநிலங்களில் 15 பேர் போலீசாரால் அடித்துக் கொல்லப்பட்டு உள்ளதாக குற்றச்சாட்டு எழுந்துள்ளது. இதில் 12 பேர் சாலைகளிலும், 3 பேர் சிறையிலும் அடித்துக் கொல்லப்பட்டு உள்ளதாக தேசிய மனித உரிமை ஆணையத்தில், காமன்வெல்த் மனித உரிமைகள் முன்னெடுப்பு அமைப்பு புகார் அளித்துள்ளது. ஆந்திராவில் 5 பேரும், உத்தரப்பிரதேசம் மற்றும் மத்தியப் பிரதேசத்தில் தலா 2 பேரும், தமிழகம், பஞ்சாப் மற்றும் மேற்கு வங்கத்தில் தலா ஒருவரும் போலீசாரால் உயிரிழந்து உள்ளனர். 

இதுதொடர்பாக, தமிழகம் உள்பட 8 மாநிலங்களி​டம், தேசிய மனித உரிமைகள் ஆணையம் அறிக்கை கேட்டுள்ளது. நாட்டில் கடந்த 2018-19 ஆண்டில் மட்டும் இரண்டாயிரத்து 497 பேர் நீதிமன்ற காவலிலும், 178 பேர் காவல் நிலையத்திலும், 386 போலீசாரை தாக்க முயன்றதான  பெயரில் சுட்டு கொலை செய்யப்பட்டு உள்ளனர். இதுவரை மொத்தம் நான்காயிரத்து 608 சம்பவங்கள்  விசாரிக்கப்பட்டு உள்ளதாக அந்த அமைப்பு தெரிவித்துள்ளது