கல்லூரியில் தங்க வைக்கப்பட்ட மக்கள் - அடிப்படை வசதிகள் இல்லை என உண்ணாவிரத போராட்டம்

ஸ்ரீவில்லிபுத்தூர் அருகே பெண்கள் தனியார் கல்லூரியில் தங்க வைக்கப்பட்ட மக்கள் திடீரென உண்ணாவிரத போராட்டத்தில் ஈடுபட்டனர். சென்னையில் இருந்து சொந்த ஊர் நோக்கி வந்த 100க்கும்  மேற்பட்ட பொதுமக்கள்,  ஸ்ரீவில்லிபுத்தூர் அருகே உள்ள பெண்கள் தனியார் கல்லூரியில் தங்க வைக்கப்பட்டனர். வந்து 5 நாட்களாகியும் இன்னும் பரிசோதனை முடிவுகள் வரவில்லையெனவும், எந்தவித அடிப்படை வசதிகளும்  இல்லை எனவும் குற்றம் சாட்டிய அவர்கள், இரவு முதல் உணவு உண்ணாமல் உண்ணாவிரத போராட்டத்தில் ஈடுபட்டு வருகின்றனர்.