திமுக எம்.எல்.ஏ. ஜெ.அன்பழகனுக்கு கொரோனா தொற்று - தனியார் மருத்துவமனையில் தீவிர சிகிச்சை

திமுக சட்டமன்ற உறுப்பினர் ஜெ.அன்பழகனுக்கு கொரோனா தொற்று உறுதி செய்யப்பட்ட நிலையில், குரோம்பேட்டை தனியார் மருத்துவமனையில் அனுமதிக்கப்பட்டுள்ளார். திமுகவின் சென்னை மேற்கு மாவட்டச் செயலாளரும்,  சேப்பாக்கம்-திருவல்லிக்கேணி சட்டமன்ற உறுப்பினருமான ஜெ. அன்பழகன் ஊரடங்கால் பாதிக்கப்பட்ட பொதுமக்களுக்கு நிவாரணப் பொருட்களைத் தொடர்ந்து வழங்கி வந்தார். இந்தநிலையில், கடந்த 2 நாட்களாவே அவர் தன்னைத்தானே தனிமைப்படுத்திக்கொண்டார். இந்தநிலையில், குரோம்பேட்டையில் உள்ள தனியார் மருத்துவமனையில் அனுமதிக்கப்பட்ட அவருக்கு  கொரோனா டெஸ்ட் எடுத்துப் பார்த்ததில் கொரோனா தொற்று இருப்பது தெரிய வந்துள்ளது. இதையடுத்து, தீவிர சிகிச்சை பிரிவில் அவரை அனுமதித்து, மருத்துவர்கள் கண்காணித்து வருகின்றனர்.