சாமந்திப்பூ தோட்டங்கள் அழிப்பு - உரிய விலை கிடைக்காததால் வேதனை

சேலம் மாவட்டம் ஓமலுர் மற்றும் காடையாம்பட்டி  தாலுக்காவில் அதிக அளவில்  சாமந்திப்பூ பயிரிடப்பட்டுள்ளது. முக்கியமாக பூசாரிப்பட்டி, கஞ்சநாயக்கன்பட்டி, தாராபுரம், கொங்குப்பட்டி மூக்கனுர் தும்பிபாடி உள்ளிட்ட பகுதிகளில் சுமார் 5 ஆயிரம் ஏக்கர் பரப்பளவில் சாமந்திப் பூக்கள் பயிரிடப்பட்டுள்ளன. தற்போது சாமந்திப்பூக்களை உரிய விலைக்கு வாங்க ஆளில்லாத நிலை ஏற்பட்டுள்ளது. எனவே, ஓமலூர் மற்றும் காடையாம்பட்டி பகுதியில் தோட்டங்களை ​விவசாயிகள், அழித்து வருகின்றனர். தங்களது நஷ்டத்திற்கு அரசு உரிய இழப்பீடு தர வேண்டும் எனவும் விவசாயிகள் கோரிக்கை விடுத்துள்ளனர்.