வேலை செய்த கடையில் திருட்டு - 1 கிலோ நகையை நூதனமாக திருடிய ஊழியர்

கடலூரில் உள்ள பிரபல நகைக்கடையில் 4 ஆண்டுகளாக வேலை செய்து வந்த கலைச்செல்வன் வேலைக்கு சேர்ந்த 2 ஆண்டுகளில் ஒரு நாள் கூட விடுமுறை எடுக்காத நிலையில் கண்காணிப்பாளராக பதவி உயர்வு பெற்றுள்ளார். நகைகளை சரிபார்க்கும் வேலையை செய்து வந்த இவர், சிறிது சிறிதாக 1 கிலோ அளவிற்கு நகைகளை திருடியுள்ளார். கடந்த 10 நாட்களுக்கு முன் கலைச்செல்வன் விடுமுறை எடுக்கவே, கடை உரிமையாளர் நகைகளை சரிபார்த்த போது இந்த உண்மை வெளிச்சத்துக்கு வந்துள்ளது. இதையடுத்து கடை உரிமையாளர் அளித்த புகாரின் பேரில் போலீசார், கலைச்செல்வனை கைது செய்தனர்.