ரூ.30 கோடி மதிப்புள்ள நடராஜர் சிலை ஆஸ்திரேலியாவில் மீட்பு
பதிவு : செப்டம்பர் 13, 2019, 12:17 PM
ஆஸ்திரேலியாவில் மீட்கப்பட்ட கல்லிடைக்குறிச்சி கோயிலுக்கு சொந்தமான 30 கோடி ரூபாய் மதிப்புள்ள நடராஜர் சிலை இன்று சென்னைக்கு கொண்டுவரப்பட்டது.
சேரமன்னர்களால் கட்டப்பட்ட குலசேகரமுடையார் கோயிலிருந்து 1982 ஆம் ஆண்டு நடராஜர் உள்பட ஐந்து ஐம்பொன் சிலைகள் கடத்தப்பட்டது. நீண்ட காலமாகியும், போலீசாரால் இந்த சிலையை கண்டுபிடிக்க முடியவில்லை. உயர்நீதிமன்ற உத்தரவின் பேரில், சிலை கடத்தல் சிறப்பு புலனாய்வு குழு, இந்த வழக்கை கையில் எடுத்தது.

தீவிர விசாரணையில், நடராஜர் சிலை ஆஸ்திரேலியாவின் அடிலெய்ட் நகரில் உள்ள அருங்காட்சியகம் ஒன்றில் காட்சி படுத்தப்பட்டிருந்தது தெரியவந்தது. பல தன்னார்வ அமைப்புகளின் உதவியுடன் அருங்காட்சியகத்தில் இருப்பது இந்தியச் சிலை தான் என்று கண்டுபிடிக்கப்பட்டது.

இதையடுத்து,1982இல் சிலை காணாமல்போனது பதியப்பட்ட முதல் தகவல் அறிக்கை, புகைப்படங்கள் உள்ளிட்ட உரிய ஆவணங்கள் ஆஸ்திரேலிய அருங்காட்சியகத்திடம் கொடுக்கப்பட்டது. ஆஸ்திரேலியாவுக்கான இந்திய தூதரக அதிகாரிகள் மூலம், அருங்காட்சியகத்துடன் பேச்சுவார்த்தை நடத்தப்பட்டது.

பல கட்ட நடவடிக்கைகளுக்கு பிறகு ஆஸ்திரேலியாவில் மீட்கப்பட்ட கல்லிடைக்குறிச்சி நடராஜர் சிலை, டெல்லி கொண்டு வரப்பட்டது. அந்த சிலையை சிறப்பு அதிகாரி பொன் மாணிக்கவேல் தலைமையிலான குழு பெற்றுக் கொண்டது. டெல்லியில் இருந்து ரயில் மூலம் அந்த சிலை இன்று சென்னை கொண்டு வரப்பட்டது.

சென்னை சென்ட்ரல் ரயில் நிலையத்தில், அந்த நடராஜர் சிலையை திறந்து பூஜை செய்ய சிறப்பு அதிகாரி பொன்மாணிக்கவேல் அனுமதி அளித்தார்.

இதனைத் தொடர்ந்து, நடராஜர் சிலைக்கு பாரம்பரிய உரிமை உடையோர் பூஜை செய்ய, மக்கள் ஆர்வமுடன் வரிசையாக சென்று வழிபட்டனர். 

சிறப்பு பூஜைக்கு பிறகு செய்தியாளர்களிடம் பேசிய சிறப்பு அதிகாரி பொன்மாணிக்கவேல், கல்லிடைக்குறிச்சி நடராஜர் சிலையை மீட்க முதல் காரணம் நீதிமன்றங்களும், ஊடகங்களும் என்று குறிப்பிட்டதுடன், நன்றி தெரிவித்தார்.

கல்லிடைகுறிச்சி சிலை மீட்கப்பட்ட விதம் குறித்து விளக்கம் அளித்த பொன்.மாணிக்கவேல், காட்சிப் பொருளாக இருக்கும் சிலைகளை மீட்க நடவடிக்கை எடுத்திருப்பதாக தெரிவித்தார்.

37 ஆண்டுகளுக்கு பிறகு தமிழகம் கொண்டுவரப்பட்ட நடராஜர் சிலை கும்பகோணம் சிறப்பு நீதிமன்றத்தில் முறையாக ஒப்படைக்கப்பட உள்ளது. பின்னர் உரிய சட்ட நடவடிக்கைகளுக்கு பிறகு, 30 கோடி ரூபாய் மதிப்புள்ள ஐம்பொன் சிலை குலசேகரமுடையார் கோயிலுக்கு கொடுக்கப்படும் என சிறப்பு புலனாய்வு குழு போலீசார் தெரிவித்துள்ளனர். 

தொடர்புடைய செய்திகள்

மதுரை விமான நிலைய ஓடுபாதை நிலைத்தன்மை குறித்து ஆய்வு

மதுரை விமான நிலைய ஒடுபாதை நிலைத்தன்மை குறித்து மதுரை விமான நிலைய இயக்குனர் வி.வி.ராவ் தலைமையிலான குழு ஆய்வு செய்து வருகிறது.

193 views

டெல்லி மாடல் டவுன் பகுதியில் பாதசாரிகள் கூட்டத்திற்குள் வேகமாக புகுந்த கார்

டெல்லி மாடல் டவுன் பகுதியில் உள்ள ஓல்டு குப்தா காலனியில் நேற்றிரவு பாதசாரிகள் கூட்டத்திற்குள் வேகமாக புகுந்த காரால் பரபரப்பு ஏற்பட்டது.

136 views

வேலூர் மத்திய சிறையில் தண்டனை கைதி தப்பி ஓட்டம்

வேலூர் மத்திய சிறையில் கைதி ஒருவர், தப்பி ஓடிய சம்பவம் பரபரப்பை ஏற்படுத்தியுள்ளது.

134 views

ஆசிரியர்களுக்கும் இனி, இலவச மடிக்கணினி - பள்ளி கல்வி அமைச்சர் செங்கோட்டையன்

தமிழகத்தில் சிறப்பாக பணியாற்றிய 377 ஆசிரியர்களுக்கு பள்ளிக்கல்வித்துறை சார்பில் டாக்டர் ராதாகிருஷ்ணன் விருது வழங்கி கவுரவிக்கப்பட்டனர்.

98 views

பிற செய்திகள்

தற்கொலை முயற்சி : காதல் ஜோடியை மீட்ட போலீசார்

காதல் ஜோடியின் தற்கொலை முயற்சியை பார்த்ததும், பொது மக்களும் காவல்துறையினரும் உடனடியாக மலையின் மீது ஏறிச் சென்று, இருவரையும் மீட்டனர்.

1 views

950 மெகா வாட் மின்சாரம் உற்பத்தி - அதிகாரிகள் தகவல்

12 நீர் மின் நிலையங்களில் அதிகளவில் மின்னுற்பத்தி

1 views

சர்ச்சை திருமணம் : தீட்சிதர்களிடம் போலீஸ் விசாரணை

சிதம்பரம் நடராஜர் கோயிலில் நடந்த திருமண விவகாரம் சர்ச்சையாகியுள்ள நிலையில், கோயில் தீட்சிதர்களிடம் போலீசார் விசாரணை நடத்தியதால் பரபரப்பு ஏற்பட்டது.

1 views

ஜீவ சமாதி அடைய போவதாக கூறி ரூ.15 லட்சம் மோசடி? - மோசடி சாமியார்களை நம்ப வேண்டாம் என வேண்டுகோள்

கடந்த 13 ஆம் தேதி சிவகங்கை அருகே பாசங்கரையில் இருளப்பசாமி என்ற முதியவர், ஜீவசமாதி அடைய போவதாக கூறி பொதுமக்களை ஏமாற்றியுள்ள சம்பவம் அதிர்ச்சியை ஏற்படுத்தியுள்ளது.

0 views

6 குடும்பங்களை ஊரைவிட்டு ஒதுக்கிய விவகாரம் : கிராமத்தில் சட்டமன்ற உறுப்பினர் நேரில் ஆய்வு

தூத்துக்குடி மாவட்டம், கோவில்பட்டி அருகே எட்டயபுரம் நற்கலைகோட்டை கிராமத்தில் ஊர் கட்டுப்பாட்டை மீறியதாக 6 குடும்பங்களை தள்ளி வைத்த விவகாரம் பலத்த சர்ச்சைகளை ஏற்படுத்தியது.

1 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.