6 வழி சாலை திட்டத்திற்கு கிராம மக்கள் எதிர்ப்பு : நில அளவை அதிகாரிகளுடன் கடும் வாக்குவாதம்

சென்னை அருகே பொன்னேரியை அடுத்த ஊத்துக்கோட்டை பகுதியில், 6 வழி சாலை அமைக்கும் பணிக்கு, அப்பகுதி மக்கள் கடும் எதிர்ப்பு தெரிவித்துள்ளனர். திருவள்ளூர் மாவட்டம் தச்சூர் முதல் ஆந்திர மாநிலம் சித்தூர் வரை, 128 கிலோ மீட்டர் தூரத்திற்கு, 6 வழி சாலை அமைக்கும் திட்டத்தில், ஊத்துக்கோட்டை பகுதியில் மட்டும், 18 கிராமங்கள் பாதிக்கப்படும் சூழல் உள்ளது. நில அளவீடு செய்ய வந்த அதிகாரிகளுடன் கடும் வாக்குவாதத்தில் ஈடுபட்ட கிராம மக்கள், இந்த திட்டத்தை கைவிடாவிட்டால், போராட்டம் நீடிக்கும் என எச்சரித்தனர்.