வேலூர் மக்களவை தொகுதியை முற்றுகையிட்ட அமைச்சர்கள் - அதிமுக வேட்பாளரை ஆதரித்து தீவிர பிரசாரம்

வேலூர் மக்களவை தொகுதியின் அதிமுக வேட்பாளர் ஏ.சி. சண்முகத்தை ஆதரித்து தேர்தல் பணி செய்ய அதிமுக தலைமை பணிக் குழுவை அமைத்துள்ளது. இந்நிலையில், இக்குழுவின் ஆலோசனை கூட்டம்,குடியாத்தம் காந்தி நகர் பகுதியில் நடைபெற்றது. இந்த கூட்டத்தில் அமைச்சர்கள் மாஃபா பாண்டியராஜன், எஸ்.பி.வேலுமணி, கே.சி.வீரமணி ஆகியோர் கலந்து கொண்டனர். அப்போது அங்கு கூடியிருந்தவர்களிடம் பேசிய அமைச்சர் கே.சி.வீரமணி, சோதனையில் இருந்து வெற்றி பெறவே, அமைச்சர்கள் தொகுதியில் முகாமிட்டுள்ளதாக கூறினார். இதனிடையே, குடியாத்தம் நகர பகுதிகளில் சமூகநலத்துறை அமைச்சர்   சரோஜா வீதி வீதியாக நடந்து சென்று வாக்கு சேகரித்தார்