ஆண்டிப்பட்டியில் தண்ணீர் தட்டுப்பாடு - எம்.எல்.ஏ. மகாராஜன் : தண்ணீர் பிரச்சினை இல்லை - துணை முதலமைச்சர்

ஆண்டிப்பட்டி மற்றும் சுற்றியுள்ள பகுதிகளுக்கு புதிதாக கூட்டு குடிநீர் திட்டம் உருவாக்கப்படும் என துணை முதலமைச்சர் ஒ. பன்னீர்செல்வம் தெரிவித்துள்ளார். சட்டப் பேரவையில் பேசிய ஆண்டிப்பட்டி திமுக எம்.எல்.ஏ. மகாராஜன், ஊரில் தண்ணீர் தட்டுப்பாடு ஏற்பட்டுள்ளதாக தெரிவித்தார். குடம் 5 ரூபாய்க்கு தண்ணீர் வாங்குவதாக வேதனை தெரிவித்த எம்.எல்.ஏ மகாராஜன், இதற்கு நடவடிக்கை வேண்டும் என்றார். வைகை அணையை தூர்வாரினால், 1 டி.எம்.சி. சேமிக்கலாம் என்றும் அவர் தெரிவித்தார். இதற்கு, பதிலளித்த ஒ. பன்னீர்செல்வம், தேனி மாவட்டத்தில் எங்கும் தண்ணீர் தட்டுப்பாடு இல்லை என்றும், எம்.எல்.ஏ. கூறியது போல், யாரும் அவரை மறிக்க மாட்டார்கள் என்றார். இதனால், அவையில் சிரிப்பலை எழுந்தது.