நடிகர் சங்க தேர்தல் : தபால் மூலம் வாக்குகளை செலுத்த 22ஆம் தேதி கடைசி நாள்

தென்னிந்திய  நடிகர் சங்க தேர்தல் வரும் 23ஆம் தேதி சென்னை ஆர். ஏ. புரத்தில்  உள்ள எம்ஜிஆர் ஜானகி கல்லூரியில் நடைபெற உள்ளது. இதற்கான தேர்தல் ஏற்பாடுகள் மும்முரமாக நடைபெற்று வருகின்றன. இந்தநிலையில், தபால் வாக்கு சீட்டுகளை அனுப்பும் பணி தொடங்கி உள்ளது. தபால் வாக்குகளை பதிவு செய்ய விரும்புவோர், அளித்த தகவல் அடிப்படையில் அவர்களுக்கு இந்த வாக்குச்சீட்டுகள் இன்று மாலைக்குள் அனுப்பப்பட உள்ளன. அதன்படி, சுமார் 1000 நாடக நடிகர்களுக்கு தபால்வாக்கு சீட்டுகள் அனுப்பப்பட உள்ளது.  நடிகர் சங்க தேர்தலில், தபால் மூலம் வாக்குகளை செலுத்த 22ஆம் தேதி கடைசி நாள் என ஏற்கனவே அறிவிக்கப்பட்டுள்ளது குறிப்பிடத்தக்கது.