தனியார் நட்சத்திர ஹோட்டலில் எரிவாயு கசிவு : எரிவாயு கசிவை சரிசெய்த தீயணைப்புத்துறையினர்

மதுரை அழகர்கோவில் சாலையில் உள்ள தனியார்  ஹோட்டலில் இருந்த  எரிவாயு இணைப்பு குழாய்களில் திடீரென கசிவு ஏற்பட்டதாக கூறப்படுகிறது. இதனையடுத்து தகவல் அறிந்து சம்பவ இடத்திற்கு வந்த தீயணைப்புதுறையினர் 2 மணி நேரம் போராடி எரிவாயு கசிவை சரி செய்தனர்.  அசம்பாவிதம் ஏதும் நடைபெறாமல் இருப்பதற்காக ஹோட்டலில் மின்சாரம் துண்டிக்கப்பட்டது. இதனால் அங்கு தங்கி இருந்த சுற்றுலா பயணிகள் கடும் சிரமத்திற்கு உள்ளாயினர். இருந்தபோதிலும் வாடிக்கையாளர்களிடம் எரிவாயு கசிவு குறித்த தகவலை ஹோட்டல் நிர்வாகம் தெரிவிக்கவில்லை என கூறப்படுகிறது.