பரமக்குடி இடைத்தேர்தலில் அதிமுக வேட்பாளர் சதன் பிரபாகர் வெற்றி

13 வேட்பாளர்கள் போட்டியிட்ட இந்த தொகுதியில் அதிமுக வேட்பாளர் சதன் பிரபாகர் 82 ஆயிரத்து 438 வாக்குகள் பெற்று வெற்றி பெற்றார். திமுக வேட்பாளர் சம்பத்குமார் 68 ஆயிரத்து 406 வாக்குகள் பெற்றிருந்தார். இதன் மூலம் 14 ஆயிரத்து 32 வாக்குகள் வித்தியாசத்தில் அதிமுக வெற்றி பெற்றதாக அதிகாரப் பூர்வமாக அறிவிக்கப்பட்டது. இதையடுத்து மாவட்ட ஆட்சியர் வீரராகவ ராவ் அதிமுக வேட்பாளர் சதன் பிரபாகருக்கு வெற்றி சான்றிதழை வழங்கினார். பரமக்குடி இடைத்தேர்தலில் வெற்றி பெற்றதை அதிமுக வினர் இனிப்பு வழங்கியும் பட்டாசு வெடித்தும் மகிழ்ச்சியை வெளிப்படுத்தினர்.