வேலூர் : குடிநீர் கேட்டு மக்கள் சாலை மறியல்

இந்த பகுதியில் கடந்த சில நாட்களாக முறையாக குடிநீர் வழங்கப்படவில்லை என அப்பகுதி மக்கள் கூறுகின்றனர். அதிகாரிகளிடம் இது குறித்து பல முறை புகார் அளித்தும் இதுவரை நடவடிக்கை எடுக்கப்படவில்லை என்று தெரிவித்த மக்கள் தீடீரென சோளிங்கர் - சித்தூர் சாலையில் மறியல் போராட்டத்தில் ஈடுபட்டனர். போலீசாரும், பேரூராட்சி அதிகாரிகளும் உரிய நடவடிக்கை எடுப்பதாக உறுதியளித்ததை அடுத்து மக்கள் மறியலை கைவிட்டு கலைந்து சென்றனர்.