தேர்தல் விதிமுறை மீறலும்... சி விஜில் செயலியும்...

தேர்தல் நடத்தை விதிமீறல்கள் குறித்து புகார்களை சி விஜில் என்ற செயலி மூலம் அறிவிக்கலாம் என தேர்தல் ஆணையம் கூறியுள்ளது
தேர்தல் விதிமுறை மீறலும்... சி விஜில் செயலியும்...
x
தேர்தல் என்றவுடன், அணி அணியாக வாகனப் பிரசாரம், பரிசுப் பொருள், பணப் பட்டுவாடா, வாக்களிப்பது என ஒருவித  திருவிழாவாக கருதப்படுகிறது. இதற்கும் கட்டுப்பாடுகள் உண்டு என்பதை மறந்து வேட்பாளரும் வாக்காளரும் ஜனநாயக விரோதச் செயலில் ஈடுபடுவதை தடுக்கும் விதமாக 'C Vigil' என்ற செயலியை தேர்தல் ஆணையம்  அறிமுகம் செய்துள்ளது. ராஜஸ்தான், மத்தியப் பிரதேசம், சத்தீஸ்கர் மாநிலங்களில் நடைபெற்ற சட்டப்பேரவை தேர்தல்களில் இந்த செயலி முதன்முதலில் அறிமுகப் படுத்தப்பட்டது. தற்போது மக்களவைத் தேர்தலிலும் இந்த செயலி மூலம் புகார் அளிக்க தேர்தல் ஆணையம் நடவடிக்கை எடுத்துள்ளது. அதன்படி, கூகுள் ப்ளேஸ்டோர் மூலமாக ஸ்மார்ட்போனில் 'C Vigil'செயலியை பதிவிறக்கம் செய்யலாம். வாக்காளர்களுக்கு பணப்பட்டுவாடா, பரிசுப் பொருட்கள், விருந்து வைப்பது, மிரட்டுவது, வெறுப்பைத் தூண்டும் வகையில் பேசுவது, வாக்காளர்களை வாகனங்களில் அழைத்துச் செல்வது, பொய்களை பரப்புவது, பணம் கொடுத்து செய்திகளை பிரசுரிக்கச் செய்வது விதிமீறல் விளம்பரம், பிரசாரம் போன்ற பல்வேறு நடத்தை விதிமீறல்கள் குறித்தும் இந்த செயலி மூலம் புகார் அளிக்கலாம்.புகாரின் உண்மைத் தன்மை குறித்து விசாரித்து தேர்தல் ஆணையம் நடவடிக்கை எடுக்கும் என தெரிகிறது.

Next Story

மேலும் செய்திகள்