தாலிக்கு தங்கம் வழங்கும் திட்டத்தில் முறைகேடு : நாகை பகுதி மக்கள் குற்றச்சாட்டு

நாகையில் தாலிக்கு தங்கம் வழங்கும் திட்டத்தின் கீழ், 3 ஆயிரம் பேருக்கு தமிழக கைத்தறி துறை அமைச்சர் ஓ.எஸ்.மணியன் 1 சவரன் தங்கத்தை வழங்கினார். இந்த நிலையில் தங்கத்தை பெற்றுக்கொண்ட பயனாளிகள், இதற்காக ஒவ்வொருவரிடமும் 2 ஆயிரம் ரூபாய் முதல் ஐந்தாயிரம் ரூபாய் வரை சமூகநலத்துறை அதிகாரிகள் லஞ்சம் பெற்றதாக குற்றம் சாட்டியுள்ளனர். ஏழை மக்களுக்காக துவங்கப்பட்ட இந்த திட்டத்தில், நாகை மாவட்டத்தில் மட்டும் ஒரு கோடி ரூபாய்க்கு மேல் முறைகேடு நடைபெற்று உள்ளதாகவும் அவர்கள் குற்றம் சாட்டினர்