ஆர்.கே. நகர் இடைத்தேர்தல் "பணப்பட்டியல்" விவகாரம் : தேர்தல் ஆணையத்துக்கு ஸ்டாலின் கோரிக்கை

ஆர்.கே. நகர் இடைத்தேர்தல் பணப்பட்டியல் விவகாரத்தில் முறைகேடுகளுக்கு காரணமானவர்கள் மீது  கிரிமினல் நடவடிக்கை எடுக்க வேண்டும் என்று திமுக தலைவர் ஸ்டாலின் கோரிக்கை விடுத்துள்ளார். இது தொடர்பாக தமிழக அரசுக்கு இந்தியத் தேர்தல் ஆணையம்  உத்தரவிட  வேண்டும் என்று ஸ்டாலின் வெளியிட்டுள்ள அறிக்கையில் தெரிவித்துள்ளார். வருமான வரித்துறையின் அறிக்கை புகார் தொடர்பாக சி.பி.ஐ. விசாரணைக்கு இந்திய தேர்தல் ஆணையமே பரிந்துரை செய்ய வேண்டும் என்றும் ஸ்டாலின் வலியுறுத்தியுள்ளார்.