எண்ணூர் துறைமுகத்தில் அணிவகுத்து நிற்கும் கப்பல்கள் : எரிவாயு தட்டுப்பாடு அபாயம்?

சென்னைக்கு வரவேண்டிய ஒன்றரை லட்சம் டன், சமையல் எரிவாயு, கச்சா எண்ணெய், டீசல் உள்ளிட்டவற்றை ஏற்றி வந்த 7 கப்பல்கள், கடந்த 5 நாட்களாக எண்ணூர் துறைமுகத்திற்கு வெளியே அணிவகுத்து நிற்கின்றன. எண்ணூர் துறைமுகத்தில் உள்ள ஒரே ஒரு எண்ணெய் இறங்குதளத்திலும், கோரல் ஸ்டார் கப்பல் எண்ணெய் கசிவு ஏற்பட்டு நிற்பதால், மற்ற கப்பல்கள் வரமுடியாத நிலை ஏற்பட்டுள்ளது. இதனால், சென்னைக்கு வரவேண்டிய 5 ஆயிரம் டன் சமையல் எரிவாயு, 55 ஆயிரம் டன் டீசல், 23 ஆயிரம் டன் விமான எரிபொருள் 35 ஆயிரம் டன் கச்சா எண்ணைய் மூலப்பொருட்கள் ஆகியவை தேக்கம் அடைந்துள்ளன. இதன்காரணமாக எரிபொருள் தட்டுப்பாடு ஏற்படும் நிலை உருவாகியுள்ளது.