"இலங்கையில் ஜனநாயகப் படுகொலை" - அன்புமணி ராமதாஸ்
பதிவு : நவம்பர் 10, 2018, 04:40 PM
இலங்கையில் ஜனநாயகப் படுகொலை நடைபெற்றுள்ளதாகவும், அதில் இந்தியா தலையிட வேண்டும் என்றும், பா.ம.க. இளைஞரணித் தலைவர் அன்புமணி ராமதாஸ் வலியுறுத்தியுள்ளார்.
இலங்கையில் ஜனநாயகப் படுகொலை நடைபெற்றுள்ளதாகவும், அதில் இந்தியா தலையிட வேண்டும் என்றும், பா.ம.க. இளைஞரணித் தலைவர் அன்புமணி ராமதாஸ் வலியுறுத்தியுள்ளார். அவர் வெளியிட்டுள்ள அறிக்கையில், இலங்கை நாடாளுமன்றம் கலைக்கப்பட்டது, அந்நாட்டின் உள் விவகாரம் என்றாலும், அதில்  இந்தியாவின் பாதுகாப்பும், ஈழத்தமிழர் நலன்களும் அடங்கியிருப்பதால், இந்த விவகாரத்தில் சம்பந்தமில்லை எனக் கூறி, இந்திய அரசு கடந்து செல்ல முடியாது என்று சுட்டிக் காட்டியுள்ளார். இந்த விஷயத்தில், இந்தியா இனியும் அலட்சியம் காட்டாமல்,  உடனடியாகத் தலையிட்டு ஜனநாயகத்தை பாதுகாப்பதற்கான நடவடிக்கைகளை எடுக்க வேண்டும் என வலியுறுத்துவதாக, அன்புமணி தெரிவித்துள்ளார். 

 "தமிழர்களின் முதுகில் மீண்டும் குத்திவிட்டார், சிறிசேனா" - வைகோ



இலங்கையில், ராஜபக்சேவிற்கு, முழு அதிகாரத்தையும் வழங்குவதற்காக அதிபர் மைத்திரிபால சிறிசேன திட்டமிட்டு சதி நாடகத்தை நிறைவேற்றி விட்டதாக, ம.தி.மு.க. பொதுச் செயலாளர் வைகோ தெரிவித்துள்ளார். இலங்கையில் எந்தக் கட்சி ஆட்சிக்கு வந்தாலும், தமிழர்களுக்கு  நீதி கிடைக்காது என்றும், ராஜபக்சே கரங்களுக்கு மீண்டும் அதிகாரம் வருமானால், முதல் கட்டமாக,  தமிழர்களின் பண்பாட்டுத் தனித்தன்மையை அழிக்க, கலாச்சாரப் படுகொலை நடைபெறும் என்றும் வைகோ தெரிவித்துள்ளார்.

"தமிழர்கள் நலன் பாதுகாக்கப்பட வேண்டும்" - தினகரன்



* இலங்கை நாடாளுமன்றம் கலைக்கப்பட்டுள்ள நிலையில், தமிழர்களின் நலன் பாதுகாக்கப்பட வேண்டுமென்று, அம்மா மக்கள் முன்னேற்ற கழக துணைப் பொதுச் செயலாளர் தினகரன் தெரிவித்துள்ளார். அவர் வெளியிட்டுள்ள அறிக்கையில், இலங்கைத் தமிழர்களின் வாழ்வில் ஏற்பட்ட கொடூர நாட்களின் சுவடுகள் மறைந்து, அமைதியான வாழ்வை மேற்கொள்வார்கள் என்ற நம்பிக்கை தகர்ந்து விட்டதாகவே தோன்றுவதாக கூறியுள்ளார். ராஜபக்சேவை பிரதமராக அறிவித்த கொடுமையை, அந்நாட்டு நாடாளுமன்றம் முறியடித்துவிடும் என்று உலகமே எதிர்நோக்கியிருந்த நேரத்தில், இந்த ஜனநாயக விரோத செயலை புரிந்த இலங்கை அதிபர் சிறிசேனாவுக்கு கடும் கண்டனத்தை தெரிவித்துக் கொள்வதாக குறிப்பிட்டுள்ளார். 

* இந்திய அரசு, இந்த நகர்வுகளை உன்னிப்பாக கவனித்து, தமிழர்களின் உயிர், உடைமை, நலனுக்கு தீங்கு ஏற்படாதவாறு நடவடிக்கை எடுக்க வேண்டும் என்றும், ஐ.நா.மன்றம் தலையிட்டு ஜனநாயகத்தை மீட்டெடுக்கும் நடவடிக்கைகளை மேற்கொள்ள வேண்டும், என்றும் தினகரன் வலியுறுத்தியுள்ளார். 

இந்தியாவை மிரட்டிப் பார்க்கிறார் - வேல்முருகன் 



இலங்கையில் நடந்திருப்பது, மாபெரும் ஜனநாயக படுகொலை என்று, தமிழக வாழ்வுரிமை கட்சி தலைவர் வேல்முருகன் தெரிவித்துள்ளார். சிவகங்கையில் செய்தியாளர்களைச் சந்தித்த அவர், மக்களால் தேர்ந்தெடுக்கப்பட்ட அரசு, இரவோடு இரவாக கலைக்கப்பட்டுள்ளது என்றும், அதற்கு துணை போகிறார் அதிபர் சிறிசேன என்றும் சுட்டிக்காட்டியுள்ளார். ராஜபக்சே பிரதமர் ஆவது அந்த நாட்டிற்கும் நல்லதல்ல, இந்தியாவிற்கும் நல்லதல்ல என்றும் கூறியுள்ளார்.  அமெரிக்காவோடும், சீனாவோடும், கைகோர்த்துக்கொண்டு  இந்தியாவை  சிறிசேன மிரட்டி பார்க்கிறார் என்றும், இந்தியாவின் ராஜதந்திரம் தோல்வியடைந்திருக்கிறது என்றும் வேல்முருகன் தெரிவித்துள்ளார்




  

தொடர்புடைய செய்திகள்

இலங்கை பிரச்சினை : விக்னேஸ்வரன் கருத்து

இலங்கையில் தற்போது உருவாகி உள்ள அரசியல் நெருக்கடியால், மீண்டும் தமிழ் மக்கள் ஏமாற்றப்பட்டு உள்ளதாக வடக்கு மாகாண முன்னாள் முதலமைச்சர் விக்னேஸ்வரன் கவலை தெரிவித்துள்ளார்.

193 views

தினகரனுக்கு மக்களை பற்றி தெரியாது - அமைச்சர் உதயகுமார்

தினகரனுக்கு மக்களை பற்றி தெரியாது என வருவாய்த்துறை அமைச்சர் உதயகுமார் தெரிவித்துள்ளார்.

122 views

அரசு பேருந்து கட்டணம், நேரம் பற்றிய விவரங்கள் : இணையதளத்தில் செப்.20-க்குள் வெளியிட அறிவுறுத்தல்

தமிழக அரசு பேருந்துகளின் வழித்தட பட்டியல், இயக்கப்படும் நேரம் மற்றும் கட்டண விவரங்களை இணையதளத்தில் வெளியிடுமாறு, மண்டல போக்குவரத்து அதிகாரிகளுக்கு, தமிழக அரசு அறிவுறுத்தியுள்ளது.

483 views

எடப்பாடி நஞ்சுண்டேஸ்வரர் கோயில் கும்பாபிஷேக விழாவில் முதல்வர் பங்கேற்பு

சேலம் மாவட்டம் எடப்பாடியில் உள்ள நஞ்சுண்டேஸ்வரர் கோயில் கும்பாபிஷேக விழாவில் முதலமைச்சர் பழனிசாமி, அமைச்சர்கள் பங்கேற்று சாமி தரிசனம் செய்தனர்.

154 views

பிற செய்திகள்

பேஸ்புக் சிஇஓ பதவி விலக வலியுறுத்தல்

பேஸ்புக் நிறுவனரும் தலைமைச் செயல் அதிகாரியுமான மார்க் ஜூகர்பெர்க் பதவியை ராஜினாமா செய்ய வேண்டும் என அதன் முதலீட்டாளர்கள் வலியுறுத்தியுள்ளனர்.

657 views

"எனது ஆலோசனைகளை ஏற்றுக் கொள்ளுங்கள், இல்லையென்றால் இலங்கை பல பிரச்சினைகளை சந்திக்கும்" - அதிபர் சிறிசேன

தனது ஆலோசனைகளை செயல்படுத்தவில்லை என்றால், இலங்கை, பல்வேறு பிரச்சினைகளை சந்திக்க நேரிடும் என அந்நாட்டு அதிகாரிகளுக்கு அதிபர் சிறிசேன எச்சரிக்கை விடுத்துள்ளார்.

930 views

பெரும்பான்மை இல்லாவிட்டால் எதிர்க்கட்சியாக இருக்க வேண்டும் - ராஜபக்சேவின் நெருங்கிய ஆதரவாளர் குமார வெல்கமா கருத்து

இலங்கை நாடாளுமன்றத்தில் 113 என்ற பெரும்பான்மையை பெற முடியாத நிலையில், எதிர் கட்சியாக செயல்பட முடிவு எடுக்க வேண்டும் என ராஜபக்சேயின் நெருங்கிய ஆதரவாளரும் நாடாளுமன்ற உறுப்பினருமான குமார வெல்கமா தெரிவித்துள்ளார்.

334 views

"இன்று அல்லது நாளை இலங்கை பிரதமராகிறார், ரணில்"

இலங்கை நாடாளுமன்றத்தில் ராஜபக்சேவுக்கு எதிரான நம்பிக்கை இல்லா தீர்மானம் 122 எம்.பி.க்கள் ஆதரவோடு நிறைவேறியதாக, சபாநாயகர் ஜெயசூர்யா நேற்று மாலை அதிகாரப்பூர்வமாக அறிவித்துள்ளார்.

2516 views

உரிமையாளருக்காக காத்திருக்கும் செல்லப்பிராணி

உரிமையாளருக்காக 3 மாதங்களாக சாலையில் காத்திருக்கும்நாய்க் குட்டியின் நெகிழ வைக்கும் பாசப் போராட்டத்தை விவரிக்கிறது இந்த தொகுப்பு...

818 views

கஜா புயல் தாக்கியதன் எதிரொலி - யாழ்ப்பாணத்தில் சூறைக்காற்றுடன் கனமழை

இலங்கையின் யாழ்ப்பாணத்தில் கஜா புயலின் தாக்கத்தினால் நள்ளிரவு இரண்டு மணி வரை சூறைக்காற்றுடன் 70 கிலோ மீட்டர் வேகத்தில் காற்று வீசியது.

196 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.