தமிழக - கேரள எல்லையில் மாவோயிஸ்ட்கள் ஒட்டிய போஸ்டர் : எல்லை பகுதிகளில் இருமாநில போலீசார் தீவிர கண்காணிப்பு

தமிழக கேரள எல்லையிலுள்ள பாலாக்காடு மாவட்டம் ஆனைமுல் என்ற இடத்தில் மாவோயிஸ்டுகள் போஸ்டர் ஒன்றை ஒட்டியிருந்தனர். அதில் சபரிமலை கோயிலில் தரிசனம் செய்ய பெண்களை அனுமதிக்க வேண்டும் போன்ற வாசகங்கள் இடம் பெற்றிருந்தன. ஆனைமுல், அட்டப்பாடி உள்ளிட்ட 5 இடங்களில்  ஒட்டப்பட்டிருந்த போஸ்டர்கள் குறித்து போலீசார் விசாரித்து வருகின்றனர். அட்டப்பாடி வனப்பகுதியில் மாவோயிஸ்ட் ஆதிக்கம் அதிகரித்துள்ளதால் எல்லைப்பகுதிகளில் இரு மாநில போலீசாரும் தீவிர கண்காணிப்பு பணியில் ஈடுபட்டுள்ளனர்.