சென்னை மாநகராட்சியிடம் லஞ்சம் கொடுக்காமல் எந்த சான்றிதழும் பெற முடியாத நிலை - சென்னை உயர்நீதிமன்ற நீதிபதி வேதனை
பதிவு : ஆகஸ்ட் 14, 2018, 03:31 PM
மாற்றம் : ஆகஸ்ட் 14, 2018, 05:39 PM
லஞ்சம் கொடுக்காமல் எந்த சான்றிதழும் பெற முடியாத நிலை; சென்னை மாநகராட்சி மீது மக்கள் விரக்தி என சென்னை உயர்நீதிமன்ற நீதிபதி எஸ்.எம்.சுப்பிரமணியம் வேதனை.
சென்னை ஷெனாய் நகர் பகுதியில் தனது வீட்டின் முன்புறம் மாநகராட்சி நிலத்தை ஆக்கிரமித்து வைக்கப்பட்டுள்ள ஜெனரேட்டரை அகற்றக் கோரி லட்சுமி என்பவர் உயர் நீதிமன்றத்தில் வழக்கு தொடர்ந்திருந்தார். இந்த வழக்கு நீதிபதி எஸ்.எம்.சுப்ரமணியம் முன் விசாரணைக்கு வந்த போது சென்னை மாநகராட்சி ஆணையர் கார்த்திகேயன் நேரில் ஆஜராகி இருந்தார். அப்போது, சட்ட விரோத கட்டுமானங்கள் மற்றும் முறைகேடுகளை தடுக்க எடுக்கப்பட்ட நடவடிக்கைகளை மாநகராட்சி தரப்பு வழக்கறிஞர் பட்டியலிட்டார். இதையடுத்து, மாநகராட்சி நடவடிக்கைகள் குறித்து அதிருப்தி தெரிவித்த நீதிபதி, சட்ட விரோத கட்டுமானங்களை தடுக்க, எந்த நடவடிக்கைகளும் எடுக்காமல் இருப்பது சென்னை மக்களை விரக்தி அடைய செய்துள்ளதாக தெரிவித்தார். கடும் நடவடிக்கை எடுக்க வேண்டிய அவசியம் குறித்து வலியுறுத்திய நீதிபதி, விதிகளை பின்பற்றி கட்டிட ஒப்புதல்கள் வழங்கப்படுகிறதா? சட்ட விரோத கட்டுமானங்கள் மீது என்ன நடவடிக்கை எடுக்கப்பட்டுள்ளது? என்பது குறித்து பதிலளிக்குமாறு மாநகராட்சி ஆணையருக்கு உத்தரவிட்டார். மேலும், ஊழல் நடவடிக்கைகளில் ஈடுபட்ட மாநகராட்சி அதிகாரிகளுக்கு எதிராக ஊழல் தடுப்பு சட்டத்தின் கீழ் எத்தனை வழக்குகள் பதிவு செய்யப்பட்டுள்ளன? என்றும் மாநகராட்சி அதிகாரிகளின் சொத்து விவரங்கள் மற்றும் மாநகராட்சி ஊழல் கண்காணிப்பு பிரிவின் செயல்பாடுகள் குறித்தும் அறிக்கை தாக்கல் செய்யுமாறு நீதிபதி உத்தரவிட்டார். லஞ்சம் கொடுக்காமல் கட்டிட ஒப்புதல் உள்ளிட்ட எந்த சான்றிதழும் பெற முடியாத நிலை உள்ளதால் மக்கள் விரக்தி அடைந்துள்ளதாக குறிப்பிட்ட நீதிபதி, நிலுவையில் உள்ள சொத்து வரியை வசூலிக்காத அதிகாரிகள் மீது மாநகராட்சி ஆணையர் என்ன நடவடிக்கைகள் எடுத்துள்ளார் என்பது குறித்து அறிக்கை அளிக்க உத்தரவிட்டு விசாரணையை ஆகஸ்ட் 27 ம் தேதிக்கு ஒத்தி வைத்தார்.


 


தொடர்புடைய செய்திகள்

லாரி ஓட்டுனரிடம் லஞ்சம் கேட்ட போலீசார் : சமூக வலைதளத்தில் பரவும் காட்சி

மதுரை - தூத்துக்குடி சுற்று சாலையில் சரியான பில்லோடு மணல் ஏற்றி வந்த லாரியை நிறுத்தி நெடுஞ்சாலை ரோந்து போலீசார் லஞ்சம் பெறுவது போன்ற வீடியோ வெளியாகி பரபரப்பை ஏற்படுத்தி உள்ளது.

1026 views

ஊழல் குற்றச்சாட்டில் இருந்து மோடி அரசு தப்பிக்க முடியாது - டி. ராஜா

ஊழல் குற்றச்சாட்டில் இருந்து மோடி அரசு தப்பிக்கமுடியாது என்று இந்திய கம்யூனிஸ்ட் கட்சி தேசிய செயலாளர் டி.ராஜா தெரிவித்துள்ளார்.

158 views

"பதவியில் ஏற்றியவர்களை மறந்துவிட்டார்கள்" - தினகரன்

பதவியில் இருப்பவர்கள், பதவியில் ஏற்றியவர்களை மறந்துவிட்டு மத்திய அரசுக்கு சேவகம் செய்துவருவதாக தினகரன் குற்றம்சாட்டியுள்ளார்

202 views

ஓட்டுநர் உரிமம் வழங்கியதில் முறைகேடு - ரூ.10 கோடிக்கு மேல் லஞ்சம்

மதுரையில், முறைகேடாக ஓட்டுநர் உரிமம் வழங்கியதில், வட்டார போக்குவரத்து அதிகாரிகள் 10 கோடி ரூபாய்க்கு மேல் லஞ்சம் பெற்ற அதிர்ச்சி தகவல் வெளியாகி உள்ளது.

568 views

பிற செய்திகள்

மாமல்லபுரத்தில் எல்லை தெய்வமாக காட்சி தரும் அம்மன்

மாமல்லபுரத்தின் எல்லை தெய்வமாக காட்சி தரும் கருக்காத்தம்மன் பற்றி இந்த செய்தித் தொகுப்பில் பார்க்கலாம்...

50 views

பி.எட். சேர்க்கைக்கான தரவரிசை பட்டியல் ஆகஸ்ட் 2ம் தேதி வெளியிடப்படும் - செயலாளர் தில்லைநாயகி

பி.எட். மாணவர் சேர்க்கைக்கான தரவரிசை பட்டியல் ஆகஸ்ட் 2ஆம் தேதி வெளியிடப்படும் என மாணவர் சேர்க்கை செயலாளர் தில்லைநாயகி தெரிவித்துள்ளார்.

12 views

திருப்பதி கோவிலுக்கு நெய் வழங்க உள்ள மதுரை ஆவின் நிறுவனம்

திருப்பதி தேவஸ்தான கருவறை பூஜைக்கும், திருப்பதி லட்டு தயாரிப்பிற்கும் 175 டன் பசு நெய் வழங்குவதற்கான டெண்டர், மதுரை ஆவின் நிறுவனத்திற்கு வழங்கப்பட்டுள்ளது.

67 views

விலையில்லா மிதிவண்டி திட்டம் கைவிடப்படுகிறதா...?

விலையில்லா மிதிவண்டி வழங்கும் திட்டத்திற்கு தமிழக அரசு போதிய நிதி ஒதுக்கவில்லை என்று கூறப்படுவதால் அத்திட்டம் கைவிடப்படுகிறதா என்ற கேள்வி எழுந்துள்ளது.

63 views

இயக்குநர் பா.ரஞ்சித் சர்ச்சைக்குரியதாக பேசியதாக வழக்கு : 3 நாட்களுக்கு காவல்நிலையத்தில் கையெழுத்திட உத்தரவு

இயக்குநர் பா.ரஞ்சித் சர்ச்சைக்குரிய வகையில் பேசியதாக தொடரப்பட்ட வழக்கில் திருப்பனந்தாள் காவல்நிலையத்தில் கையெழுத்திட நீதிமன்றம் உத்தரவிட்டுள்ளது.

84 views

கல்லூரி மாணவர்களுக்கு அரிவாள் வெட்டு : மீண்டும் தலைதூக்கும் 'ரூட் தல'

சென்னையில் பட்டப்பகலில், கல்லூரி மாணவர்கள் பயங்கர ஆயுதங்களால் தாக்கிக்கொண்ட சம்பவம் பெரும் பரபரப்பை ஏற்படுத்தியுள்ளது

1374 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.