டேவிஸ் கோப்பை டென்னிஸ் தொடர் - இறுதிப் போட்டிக்கு ரஷ்யா முன்னேற்றம்

டேவிஸ் கோப்பை டென்னிஸ் தொடரின் இறுதிப் போட்டிக்கு ரஷ்ய அணி முன்னேறி உள்ளது. அரையிறுதிப் போட்டியில் ரஷ்யாவும் ஜெர்மனியும் மோதின. முதல் போட்டியில் ரஷ்ய வீரர் ஆன்ட்ரூ ரூப்லெவ், ஜெர்மனி வீரர் டொமினிக் கோஃபருடன் (Dominik Koepfer)மோதினார். இதில் 6-க்கு 4, 6-க்கு பூஜ்யம் என்ற செட் கணக்கில் ரூப்லெவ் வெற்றி பெற்றார். தொடர்ந்து நடைபெற்ற ஆட்டத்தில் 2ம் நிலை வீரர் மெத்வதேவ், ஜெர்மனி வீரர் ஜேனை 6-க்கு 4, 6-க்கு 4 என்ற செட் கணக்கில் வீழ்த்தி, ரஷ்யாவை இறுதிப் போட்டிக்கு அழைத்துச் சென்றார். இன்று நடைபெறும் இறுதிப் போட்டியில் குரேஷியாவுடன் ரஷ்யா மோத உள்ளது.