ஸ்வீடன் ஓபன் ஏடிபி டென்னிஸ் தொடர் - பட்டம் வென்றார் அமெரிக்க வீரர் டாமி பால்

ஸ்வீடன் தலைநகர் ஸ்டாக்ஹோல்மில் நடைபெற்ற ஏடிபி டென்னிஸ் தொடரில் அமெரிக்க வீரர் டாமி பால் சாம்பியன் பட்டம் வென்றார். ஆடவர் ஒற்றையர் பிரிவு இறுதிப் போட்டியில் கனடா வீரர் ஷாபோவலோவை(Shapovalov) டாமி பால் எதிர்கொண்டார். இதில் முதல் செட்டை 6-க்கு 4 என்ற கணக்கில் கைப்பற்றிய பால், 2-வது செட்டில் சறுக்கினார். அந்த செட்டை 2-க்கு 6 என்ற கணக்கில் ஷாபோவலோவ் வென்றதால் ஆட்டத்தில் பரபரப்பு தொற்றிக் கொண்டது. தொடர்ந்து நடந்த 3-வது செட்டை, 6-க்கு 4 என்ற கணக்கில் தனதாக்கிய டாமி பால், ஸ்டாக்ஹோல்ம் ஏடிபி பட்டத்தையும் முதல் முறையாக கைப்பற்றினார்.