பாரிஸ் மாஸ்டர்ஸ் ஓபன் டென்னிஸ் தொடர் - சாம்பியன் பட்டம் வென்றார் ஜோகோவிச்

பிரான்ஸில் நடைபெற்ற பாரிஸ் மாஸ்டர்ஸ் ஓபன் டென்னிஸ் தொடரில் நம்பர் ஒன் வீரர் நோவாக் ஜோகோவிச் சாம்பியன் பட்டம் வென்று உள்ளார். இறுதிப் போட்டியில் ரஷ்ய வீரர் மெத்வதேவும், செர்பிய வீரர் ஜோகோவிச்சும் மோதினர். இதில் முதல் செட்டை 4-க்கு 6 என்ற கணக்கில் மெத்வதேவ் வென்றார். இரண்டாவது செட்டை 6-க்கு 3 என்ற கணக்கில் ஜோகோவிச் கைப்பற்ற ஆட்டத்தில் பரபரப்பு ஏற்பட்டது. வெற்றியைத் தீர்மானிக்கும் 3-வது செட்டில் அதிரடி காட்டிய ஜோகோவிச், 6-க்கு 3 என்ற கணக்கில் அந்த செட்டை வென்று, 6-வது முறையாக பாரிஸ் மாஸ்டர்ஸ் ஓபன் டென்னிஸ் தொடரின் சாம்பியன் ஆனார்.