ஆப்கானின் வெற்றிக்காக வேண்டும் இந்தியா - நியூசிலாந்தை சாய்க்குமா ஆப்கானிஸ்தான்?

உலகக்கோப்பை டி20 கிரிக்கெட் தொடரில், இன்று நடைபெற உள்ள நியூசிலாந்து - ஆப்கானிஸ்தான் போட்டியை, இந்திய ரசிகர்கள் மிகுந்த ஆவலுடன் உற்றுநோக்குகின்றனர். ஏன், எதற்கு என்பது குறித்து விரிவாக பார்க்கலாம்....
ஆப்கானின் வெற்றிக்காக வேண்டும் இந்தியா - நியூசிலாந்தை சாய்க்குமா ஆப்கானிஸ்தான்?
x
தீபாவளிக்கு முன்னர் ஆப்கானிஸ்தானை புரட்டிப்போட்ட இந்திய அணி,

இப்போது அதே அணியின் வெற்றிக்காக தவமாய் தவமிருந்து வருகிறது...

உலகக்கோப்பை டி20 கிரிக்கெட் தொடரின் சூப்பர் 12 சுற்று இறுதிக்கட்டத்தை எட்டியுள்ளது.

இரண்டாவது குரூப்பில் 4 வெற்றிகளுடன் பாகிஸ்தான் அணி அரையிறுதிக்கு தகுதி பெற்றுவிட்ட நிலையில்,

இரண்டாவது இடத்திற்கு நியூசிலாந்து, ஆப்கானிஸ்தான், இந்திய அணிகள் மல்லுக்கட்டி வருகின்றன.

முதல் இரண்டு போட்டிகளில் இந்திய அணி படுதோல்வியை சந்திக்க, அப்போதே அரையிறுதி வாய்ப்பு மங்கியது. 

இருப்பினும் ஆப்கானிஸ்தான், ஸ்காட்லாந்தை அடுத்தடுத்து புரட்டி போட்டதால், நெட் ரன்ரேட்டில் நியூசிலாந்து, ஆப்கானிஸ்தானை பின்னுக்கு தள்ளிவிட்டது இந்திய அணி.

இந்தியாவுக்கு ஒரு போட்டி மீதம் இருந்தாலும், அரையிறுதி வாய்ப்பு என்பது பிற்பகல் 3.30 மணிக்கு நடைபெறும் நியூசிலாந்து - ஆப்கானிஸ்தான் போட்டியை பொறுத்தே உள்ளது..

இதில் நியூசிலாந்து வெற்றி பெற்றால், இந்தியாவின் வாய்ப்பு பறிபோகும்..

மாறாக ஆப்கானிஸ்தான் வென்றால், அந்த வெற்றியை பொறுத்து கடைசி போட்டியில் இந்தியாவிற்கு இலக்கு நிர்ணயமாகும்...

இதனால் ஆப்கானிஸ்தான் எப்படியாவது வெல்ல வேண்டும் என வேண்டுதலில் இறங்கிவிட்டனர் ரசிகர்கள்... வேண்டுதலோடு, ரசிகர்கள் உருவாக்கி வரும் மீம்ஸ்களும் இணையத்தை கலக்கி வருகின்றன.


ஆப்கான் ஸ்பின்னர் முஜிபூர் ரஹ்மானுக்கு ஏற்பட்ட காயத்தை குணப்படுத்த, மருத்துவரை வேண்டுமென்றாலும் தருகிறோம் என இந்திய வீரர் அஸ்வின் விளையாட்டாக பேசியதும் இணையத்தில் கவனம் பெற்றுள்ளது.

நடப்பு தொடரில் தரமான ஆட்டத்தை வெளிப்படுத்தி வரும் ஆப்கானிஸ்தான், நியூசிலாந்தை சாய்க்குமா? அற்புதம் நிகழுமா? என மிகுந்த எதிர்ப்பார்ப்புடன் காத்திருக்கின்றனர், இந்திய ரசிகர்கள்...


Next Story

மேலும் செய்திகள்