அமெரிக்க ஓபன் டென்னிஸ் தொடர் - இறுதிப் போட்டிக்குள் நுழைந்தார் ஜோகோவிச்

அமெரிக்க ஓபன் கிராண்ட்ஸ்லாம் டென்னிஸ் தொடரின் இறுதிப்போட்டிக்கு செர்பியாவை சேர்ந்த உலகின் நம்பர் ஒன் வீரர் நோவாக் ஜோகோவிச் முன்னேறி உள்ளார். ஆடவர் ஒற்றையர் பிரிவில் இன்று நடைபெற்ற பரபரப்பான அரையிறுதி ஆட்டத்தில் ஜெர்மனி வீரர் அலெக்சாண்டர் ஸ்வெர்வை, 4-க்கு 6, 6-க்கு 4, 6-க்கு 4, 4-க்கு 6, 6-க்கு 2 என்ற செட் கணக்கில் வென்று, ஜோகோவிச் இறுதிப் போட்டிக்கு முன்னேறினார். இதன்மூலம், 31-வது முறையாக கிராண்ட்ஸ்லாம் டென்னிஸ் தொடரின் இறுதிப் போட்டிக்கு முன்னேறி, ரோஜர் பெடரரின் சாதனையை அவர் சமன் செய்து உள்ளார், இறுதிப் போட்டியில் 2-ம் நிலை வீரர் மெத்வதேவுடன் ஜோகோவிச் மோத உள்ளார்.