டோக்கியோ ஒலிம்பிக் குத்துச்சண்டை போட்டி - இந்திய வீராங்கனை லவ்லினா காலிறுதிக்கு தகுதி

டோக்கியோ ஒலிம்பிக் மகளிர் குத்துச்சண்டை போட்டியின் காலிறுதி ஆட்டத்துக்கு இந்திய வீராங்கனை லவ்லினா பார்ஹோஹெய்ன் முன்னேறி உள்ளார். மகளிர் 69 கிலோ எடைப்பிரிவின் காலிறுதிக்கு முந்தைய சுற்று ஆட்டத்தில் ஜெர்மனி வீராங்கனை நாடின் அபெட்சுடன், லவ்லீனா மோதினார். 4 கட்டங்களாக நடந்த இந்த போட்டியில், 3-க்கு 2 என்ற புள்ளிகள் கணக்கில் லவ்லீனா வெற்றி பெற்று காலிறுதிக்குள் நுழைந்தார். வருகிற 30-ம் தேதி நடைபெறும் காலிறுதி ஆட்டத்தில், சீன தைபே வீராங்கனை சின் சென்னுடன், லவ்லீனா விளையாட உள்ளார்.