பத்மஸ்ரீ விருது பெற்ற தமிழக கூடைப்பந்தாட்ட வீராங்கனை அனிதா
பதிவு : ஜனவரி 30, 2021, 11:12 AM
18 வயதில் இந்திய கூடைப்பந்தாட்ட அணிக்கு கேப்டனாக இருந்த பெருமைக்குரிய அனிதாவுக்கு பத்மஸ்ரீ விருது தேடி வந்திருக்கிறது.
18 வயதில் இந்திய கூடைப்பந்தாட்ட அணிக்கு கேப்டனாக இருந்த பெருமைக்குரிய அனிதாவுக்கு பத்மஸ்ரீ விருது தேடி வந்திருக்கிறது. அவரின் விளையாட்டு சாதனைப் பயணத்தை பார்க்கலாம்...


"விலகி வீட்டிலோர் பொந்தில் வளர்வதை வீரப்பெண்கள் விரைவில் ஒழிப்பராம்" என்ற மகாகவி பாரதியின் வார்த்தைகளுக்கு உயிர் கொடுத்துள்ளார் கூடைப்பந்து வீராங்கனை அனிதா பால்துரை.

சென்னையைப் பூர்வீகமாகக் கொண்ட அனிதா  தன் பன்னிரண்டாவது வயதில் கூடைப்பந்து வீராங்கனையாக விளையாட்டு உலகிற்குள் காலடி எடுத்து வைத்தார். 

மிகவும் இளம் வயதிலேயே இந்திய தேசிய மகளிர் கூடைப்பந்தாட்ட அணியின் கேப்டனாக பொறுப்பேற்று  8 ஆண்டுகள் அணிக்குத் தலைமை தாங்கி சாதனை படைத்துள்ளார். தொடர்ந்து 9 முறை, ஆசிய கூடைப்பந்து சம்மேளன சாம்பியன்ஷிப் போட்டியில் பங்கேற்ற ஒரே இந்திய வீராங்கனை என்ற பெருமைக்கும் சொந்தக்காரர் அனிதா பால்துரை.

தேசிய கூடைப்பந்து சாம்பியன்ஷிப்பில் 30 பதக்கங்கள் கைப்பற்றி சாதனை படைத்த இவர், 2013-ஆம் ஆண்டு, உலகின்  மிகச்சிறந்த பத்து வீராங்கனைகளில் ஒருவராக தேர்வாகி நம் நாட்டிற்கு பெருமை தேடி தந்தார். 

தனது இளமைப்பருவம் முழுவதையும் இந்திய அணிக்காக அர்ப்பணித்து கிட்டத்தட்ட இரண்டு தசாப்தங்கள் இந்திய அணிக்காக விளையாடி சாதனை படைத்த அனிதாவுக்கு நாட்டின் உயரிய விருதுகளில் ஒன்றான பத்மஸ்ரீ விருது வழங்கி மத்திய அரசு பெருமை படுத்தியுள்ளது. 

குழந்தை பிறந்த பிறகும் இந்திய அணிக்காக விளையாடி, பெண்கள் சாதிக்க திருமணமோ குழந்தை பிறப்போ தடையல்ல என்று நிரூபித்துள்ளார், அனிதா. கடந்த எட்டு வருடங்களாக அர்ஜுனா விருதிற்கும், மூன்று வருடங்களாக பத்மஸ்ரீ விருதுக்கும் விண்ணப்பித்த அனிதாவுக்கு, நேரடியாக பத்மஸ்ரீ விருதே கிடைத்திருக்கிறது. 

தற்போது ரயில்வே அணிக்காக விளையாடி வரும் அனிதா கூடைப்பந்தாட்டத்திற்காக தனது பங்களிப்பு எப்போதும் இருக்க வேண்டும் என்பதில் உறுதியாக இருக்கிறார். தான் சாதித்தது மட்டுமல்லாது, கூடைப்பந்து பயிற்சியாளராகி, பல இளம் வீராங்கனைகளை தன்னைப்போல் உருவாக்க வேண்டும் என்பதையே அனிதா பால்துரை தனது லட்சியமாகக் கொண்டிருக்கிறார். 

திறமையும், கடின உழைப்பும் இருந்தால் சூழ்நிலை ஒரு தடையல்ல என்பதை நிரூபித்து,  இளம் கூடைப்பந்து வீராங்கனைகளுக்கு முன்மாதிரியாக மாறியிருக்கிறார் அனிதா பால்துரை.

தொடர்புடைய செய்திகள்

"ஆஞ்சியோ பிளாஸ்டிக் சிகிச்சைக்கு பின் கங்குலி நலமாக உள்ளார்" - மூத்த சகோதரர் சினேகாஷ் கங்குலி தகவல்

ஆஞ்சியோபிளாஸ்டிக் சிகிச்சைக்கு பிறகு கங்குலி நலமுடன் இருப்பதாக, அவரது மூத்த சகோதரர் சினேகாஷ் கங்குலி தெரிவித்துள்ளார்.

391 views

தனியார் துறைக்கு ஆதரவு - மக்களவையில் கொந்தளித்த பிரதமர் மோடி

நாட்டுக்கு, பொதுத்துறை நிறுவனங்களின் பங்கு அவசியம் எனவும், அதே சமயம் தனியார் துறை நிறுவனங்களும் பங்கும் முக்கியத்துவம் வாய்ந்தது என பிரதமர் மோடி தெரிவித்திருக்கிறார்.

178 views

(10-02-2021) ஏழரை

(10-02-2021) ஏழரை

49 views

தலைவாசலில் ஒருங்கிணைந்த கால்நடை பூங்கா - முதலமைச்சர் திறந்து வைத்தார்

விவசாயிகளின் நலனை காக்க அதிமுக அரசு தொடர்ந்து பல்வேறு திட்டங்களை அறிமுகப்படுத்தி வருவதாக முதலமைச்சர் கூறினார்.

42 views

பிற செய்திகள்

தமிழக இடைக்கால பட்ஜெட் தாக்கல் 2021

தமிழக இடைக்கால பட்ஜெட் தாக்கல் 2021

99 views

தேர்தலில் தோல்வியை தழுவிய தலைவர்கள்...அப்பவே அப்படி..!

தமிழக தேர்தல் களத்தில் பிரபலமான தலைவர்களே தோல்வியை சந்தித்திருக்கின்றனர்.

39 views

கலைமாமணி விருதுகள் தொடர்பான வழக்கு - தமிழக கலை -கலாச்சாரத்துறைக்கு நோட்டீஸ்

கலைமாமணி விருதுகள் நடப்பாண்டு அவசர அவசரமாக பரிந்து செய்யப்பட்டு வழங்கப்பட்டு உள்ளதாக தொடரப்பட்ட வழக்கில், தமிழக கலை கலாச்சாரத் துறை இயக்குநருக்கு நோட்டீஸ் அனுப்ப உயர்நீதிமன்ற மதுரைக் கிளை உத்தரவிட்டுள்ளது.

22 views

சாட்டிங் செயலி மூலம் பெண்ணுடன் பழக்கம் - தாலியுடன் வந்த இளைஞர் தற்கொலை

திருவண்ணாமலை அருகே சாட்டிங் செயலிமூலம் அறிமுகமாகி, திருமணமான பெண்ணை காதலித்த இளைஞர், மர்மமான முறையில் உயிரிழந்து இருப்பது அதிர்ச்சியை ஏற்படுத்தி உள்ளது.

527 views

யானைகளை பராமரிக்க புதிய கொள்கைகள் - உயர்நீதிமன்றம் உத்தரவு

தமிழகத்தில் தனியார் மற்றும் கோவில்களில் வளர்க்கப்படும் யானைகளை பராமரிக்க, புதிய கொள்கைகளை வகுக்குமாறு, அரசுக்கு, சென்னை உயர் நீதிமன்றம் உத்தரவிட்டு உள்ளது.

35 views

தமிழக அரசின் கடன் சுமை ரூ.5.70 லட்சம் கோடியாக இருக்கும் என இடைக்கால பட்ஜெட்டில் தெரிவிக்கப்பட்டுள்ளது.

தமிழக அரசின் இடைக்கால பட்ஜெட்டை தாக்கல் செய்த பேசிய துணை முதல்வரும், நிதியமைச்சருமான ஓ. பன்னீர் செல்வம், நடப்பு நிதியாண்டில் அதிகரித்துள்ள நிதி பற்றாக்குறையை தவிர்க்க இயலாது என்றார்.

88 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.