14 வது ஐ.பி.எல். வீர‌ர்களுக்கான 'மினி' ஏலம் - சென்னையில் நடத்த பிசிசிஐ திட்டம்

14 வது ஐ.பி.எல்.சீசனுக்கான மினி ஏலம் பிப்ரவரி 18 மற்றும் 19 ஆம் தேதிகளில் சென்னையில் நடத்த பிசிசிஐ திட்டமிட்டுள்ளது.2021 ம் ஆண்டுக்கான 14-வது ஐபிஎல் சீசன் வரும் ஏப்ரல் அல்லது மே மாதம் நடைபெற இருக்கிறது. போட்டிக்கான ஏலத்துக்கு தயாராகிவரும் அணிகள்,   தக்கவைக்கும் வீரர்கள், விடுவிக்கப்பட்ட வீரர்கள் பட்டியலை பிசிசிஐ அமைப்பிடம் ஏற்கனவே கொடுத்துவிட்டன. இந்த ஆண்டு ஐபிஎல் போட்டிக்கான , மினி ஏலம் ஒன்றை நடத்த பிசிசிஐ திட்டமிட்டுள்ளது.  இந்தியா இங்கிலாந்து அணிகள் மோதும் 2 வது டெஸ்ட் போட்டி பிப்ரவரி 17 ஆம் தேதி சென்னையில் நிறைவடைகிறது. அதன் பின் 18 அல்லது 19 ஆகிய தேதிகளில், பிசிசிஐ  நிர்வாகிகள் முன்னிலையில் சென்னையிலே ஏலத்தை நடத்தி முடிக்கலாம் என பிசிசிஐ திட்டமிட்டுள்ளது.