மே.இ.தீவுகளுக்கு எதிரான 2வது டெஸ்ட் கிரிக்கெட் : இந்திய வீரர் பும்ரா ஹாட்ரிக் சாதனை

கிங்ஸ்டனில் நடைபெற்ற இப்போட்டியில் முதல் இன்னிங்சில் இந்திய அணி 416 ரன்கள் குவித்தது. இந்திய வீரர் விஹாரி தனது முதல் சதத்தை பூர்த்தி செய்தார்.  அவருக்கு உறுதுணையாக நின்ற இஷாந்த் சர்மா அரைசதம் விளாசினார். இதனையடுத்து, களமிறங்கிய மேற்கிந்தியத் தீவுகள் அணி பேட்ஸ்மேன்கள், பும்ராவின் அனல் பறக்கும் பந்துவீச்சை தாக்குப்பிடிக்க முடியாமல் அடுத்தடுத்து ஆட்டமிழந்தனர். குறிப்பாக 8வது ஓவரில் பும்ரா தொடர்ந்து 3 விக்கெட்டுகளை வீழ்த்தி ஹாட்ரிக் சாதனையை நிகழ்த்தினார். இதன் மூலம் சர்வதேச டெஸ்ட் கிரிக்கெட்டில் ஹாட்ரிக் சாதனையை நிகழ்த்திய 3வது இந்திய வீரர் என்ற பெருமையை பும்ரா பெற்றார்.