பெண்கள் 20 ஓவர் உலக கோப்பை கிரிக்கெட் போட்டி இன்று தொடக்கம்

* பெண்களுக்கான 6-வது 20 ஓவர் உலக கோப்பை கிரிக்கெட் போட்டி வெஸ்ட் இண்டீசில் இன்று தொடங்கி வருகிற 24ம் தேதி வரை நடக்கிறது. 

* 10 அணிகள் இந்த போட்டியில் 'ஏ' பிரிவில் இங்கிலாந்து, தென்ஆப்பிரிக்கா, இலங்கை, நடப்பு சாம்பியன் வெஸ்ட் இண்டீஸ், வங்காளதேசம் ஆகிய அணிகளும், 'பி' பிரிவில் ஆஸ்திரேலியா, இந்தியா, நியூசிலாந்து, பாகிஸ்தான், அயர்லாந்து ஆகிய அணிகளும் இடம் பெற்றுள்ளன.  

* இந்திய நேரப்படி இன்று இரவு 8.30 மணிக்கு புரோவிடென்ஸ் ஸ்டேடியத்தில் நடக்கும் முதலாவது லீக் ஆட்டத்தில் இந்திய அணி, நியூசிலாந்தை எதிர்கொள்கிறது. இந்திய கிரிக்கெட் ரசிகர்கள் ஆவலோடு எதிர்பார்க்கும் இந்தியா- பாகிஸ்தான் இடையேயான போட்டி 11ம் தேதி நடைபெற உள்ளது. 

* நடுவர்களின் தீர்ப்பில் சந்தேகம் இருந்தால் அதை எதிர்த்து அப்பீல் செய்யும் டி.ஆர்.எஸ். தொழில்நுட்பம் பெண்கள் 20 ஓவர் உலக கோப்பையில் முதல்முறையாக பயன்படுத்தப்பட இருக்கிறது குறிப்பிடத்தக்கது.