தமது பேச்சால், ஆயிரக்கணக்கான ரசிகர்களை மைதானத்திற்கு வரவழைத்த வீரர்
பதிவு : ஜூன் 09, 2018, 11:51 AM
சமூக வலை தளத்தில், கை கூப்பி அழைப்பு - விராத் கோலி, சச்சின் டெண்டுல்கர் ஆதரவு...

சர்வதேச அளவில், அதிக கோல் அடித்த, தற்போதைய கால்பந்து வீரர்கள் பட்டியலில், இந்திய வீரர் இடம் பிடித்துள்ளார். 59 கோல் எடுத்திருந்த ஸ்பெயினின் டேவிட் வில்லாவை(David Villa), பின்னுக்கு தள்ளிய, இந்திய அணியின் வீரரும், அணித் தலைவருமான சுனில் சேத்ரி, (Sunil Chhetri) 61 கோல்கள் அடித்து, மூன்றாவது இடத்தைப் பிடித்துள்ளார்.  

கென்யா அணிக்கு எதிரான, இண்டர்காண்டினெண்டல்(Intercontinental) கோப்பை தொடரின், லீக் போட்டியில், இரண்டு கோல் அடித்த செஞ்சுரி நாயகன் சுனில் சேத்ரி, ஸ்பெயினின் டேவிட் வில்லாவின், சர்வதேச சாதனையை முறியடித்தார். 

இந்த பட்டியலில் போர்ச்சுகல் வீரர் கிறிஸ்டியானோ ரொனால்டோ (Cristiano Ronaldo) - 81 கோல்கள் அடித்து முதலிடத்திலும், அர்ஜெண்டினாவின் லயோனல் மெஸ்சி (Lionel Messi) 64 கோல்கள் அடித்து, இரண்டாம் இடத்திலும் உள்ளனர்....

ஐக்கிய அரபு எமிரேட்சில், அடுத்தாண்டு நடக்கவுள்ள ஆசிய கோப்பை கால்பந்து தொடருக்கு தயாராகும் விதமாக, இந்திய கால்பந்து கூட்டமைப்பு, முதல் முறையாக நான்கு அணிகள் பங்கேற்கும் இண்டர்காண்டினெண்டல் (Intercontinental) கோப்பை தொடரை முதல் முறையாக, இந்தியாவில் நடத்த திட்டமிட்டு அறிவித்தது. இதில் தொடரை நடத்தும் அணி என்ற அடிப்படையில், இந்தியா நேரடியாக தகுதி பெற்றது. பிபா உறுப்பினர்களான சீன தைபே, நியூசிலாந்து, தென் ஆப்பிரிக்கா அணிகள் பங்கேற்கின்றன.  

இந்த நிலையில் மும்பையில் நடந்த லீக் போட்டியில், இந்திய அணி, கென்யா அணியை எதிர்கொண்டது. இது இந்திய அணி தலைவர் சுனில் சேத்ரியின் 100வது சர்வதேச போட்டியாகும். இதற்காக போட்டி  தொடங்கும் முன், இந்திய தலைவர் சுனில் சேத்ரிக்கு, இந்திய கால்பந்து வீரர்கள் மரியாதை அளித்தனர்.

இந்த போட்டியில், சுனில் சேத்ரி, இரண்டு கோல் அடித்து கைகொடுக்க, இந்திய அணி 3க்கு-0 என்ற கோல் கணக்கில் வெற்றி பெற்றது.

தமது 100ஆவது சர்வதேச போட்டியில், வெற்றியை கண்டுள்ளார் சுனில் சேத்ரி. முன்னதாக, அவர், வீடியோ ஒன்றின் மூலம் ரசிகர்களுக்கு உருக்கமான வேண்டுகொள் ஒன்றை வைத்திருந்தார்.

"கால்பந்து விளையாட்டு அரங்கிற்கு வாருங்கள்; நீங்கள் மைதானத்தில் கத்தலாம், எங்களை திட்டலாம், விமர்சிக்கலாம்; யாருக்குத் தெரியும் ஒருநாள் இவை எல்லாவற்றையும் நாங்கள் மாற்றக்கூடும். நீங்கள் எங்களுக்காக மாறக்கூடும்'' என, அந்த காணொளியில் பேசியிருந்தார் சுனில் சேத்ரி. 

''கால்பந்து ரசிகர் அல்லாதவர்களிடம் ஒரு கோரிக்கை விடுக்கிறேன். நீங்கள் மைதானத்துக்கு வர வேண்டும். அதற்கு இரு காரணங்கள் உள்ளன. கால்பந்துதான் உலகில் சிறந்த விளையாட்டு என்பது ஒரு காரணம்; மற்றொன்று நாங்கள் நாட்டிற்காக விளையாடுகிறோம்'' என்றும் சுனில் சேத்ரி பேசியிருந்தார். இறுதியில் ரசிகர்களை கைகூப்பியும் அவர் வேண்டிக் கொண்டார். 

அனைத்து விளையாட்டுக்களையும் ஆதரியுங்கள் - விராத் கோலி வேண்டுகோள்

சுனில் சேத்ரி வெளியிட்டுள்ள காணொளியை அடுத்து இந்திய கிரிக்கெட் அணியின் தலைவர் விராட் கோலி, சமூக வலை தளத்தில், ஒரு காணொளியை வெளியிட்டார். ''விளையாட்டுக்கு மதிப்பளிக்கும் பெருமை மிக்க தேசமாக, இந்தியாவை கருத விரும்பினால் அனைத்து விளையாட்டுகளையும் ஏற்றுக்கொண்டு மதிப்பளிக்க வேண்டும்'' என, அவர் பதிவிட்டிருந்தார். 

இந்திய கால்பந்து அணிக்கு பின் நிற்போம், விளையாட்டுக்கு ஆதரவளிப்போம் - சச்சின் அழைப்பு

நம் விளையாட்டு வீரர்கள் நாட்டுக்கு பெருமை சேர்க்க கடுமையாக பயிற்சி செய்கிறார்கள். ஒரு விளையாட்டு வீரனுக்கு மிகப்பெரிய கனவு நாட்டுக்காக விளையாடுவதே. இந்திய கால்பந்து அணிக்கு பின் நிற்போம்; ஆதரவளிப்போம்'' என, கிரிக்கெட் ஜாம்பவான், சச்சின் டெண்டுல்கர் தமது, காணொளியில் குறிப்பிட்டிருந்தார். 

சமீபத்தில், இந்திய கால்பந்து அணி விளையாடிய ஒரு போட்டியில், 2 ஆயிரத்து 569 ரசிகர்கள் மட்டுமே வந்திருந்தனர். இந்த விஷயத்தை கையில் எடுத்துக் கை கூப்பி ஒரு காணொளியை வெளியிட்டார் 33 வயதான கால்பந்து வீரர் சுனில் சேத்ரி.

இது, அவரது 100வது போட்டி... 2 கோல் அடித்து வெற்றிக்கும் வித்திட்டார்... 

இவை எல்லாவற்றையும் விட, சுனில் விடுத்த கோரிக்கையை அடுத்து, அரங்கம் நிறைந்து காணப்பட்டது. இது தான், இந்த வீரனின் வெற்றியாகும்... 

தொடர்புடைய செய்திகள்

சப்தமில்லாமல் சாதனை படைக்கும் கால்பந்தாட்ட அணி - இந்தியாவிற்கு பெருமை சேர்க்கும் வட சென்னை வீரர்கள்

மெட்ராஸ் திரைப் படத்தில் வரும் இளைஞர்கள் கால்பந்தாட்ட வீரர்கள். வடசென்னையின் அடிதடி கலாச்சாரத்தை மாற்ற முயற்சிக்கும் ஒருவரின் கதை அது. அதை நிஜத்தில் செய்து சாதனை படைக்கும் இளைஞர்களைப் பற்றிய ஒரு தொகுப்பு இது.

543 views

உலக கோப்பை கால்பந்து தொடர் : அடுத்த சுற்றுக்கு முன்னேறியது பெல்ஜியம்

உலக கோப்பை கால்பந்து தொடரில், ரஷ்யாவின் மாஸ்கோவில் நடைபெற்ற லீக் போட்டியில் பெல்ஜியம் அணி அபார வெற்றி பெற்றுள்ளது.

120 views

உலகின் டாப் 5 விளையாட்டுகள்...

உலகின் டாப் 5 விளையாட்டுகள்...

2224 views

உலகக் கோப்பை கால்பந்து தொடரில் இன்று 3 லீக் ஆட்டங்கள்

உலகக் கோப்பை கால்பந்து தொடரில் இன்று 3 லீக் ஆட்டங்கள்

375 views

கால்பந்து: இந்திய கேப்டனின் 100வது போட்டி

இந்திய கால்பந்து அணி கேப்டன் சுனில் செற்றி, தனது 100வது சர்வதேச போட்டியில் இன்று களம் காணுகிறார்

179 views

பிற செய்திகள்

புல்வாமா தாக்குதல் எதிரொலி : பாக். கிரிக்கெட் வீரர்களின் புகைப்படம் அகற்றம்

புல்வாமா தீவிரவாத தாக்குதலுக்கு எதிர்ப்பு தெரிவித்து பாகிஸ்தான் வீரர்களின் புகைப்படத்தை கர்நாடகா மாநில கிரிக்கெட் சங்கம் அகற்றியுள்ளது.

12 views

ஐ.பி.எல். 12வது சீசன் அட்டவணை வெளியீடு

ஐ.பி.எல். 12வது சீசன் முதல் போட்டியில் நடப்பு சாம்பியனான சென்னை அணி, பெங்களூரு அணியுடம் மோதுகிறது.

41 views

தலைசிறந்த விளையாட்டு வீர‌ராக ஜோகோவிச் தேர்வு

தலை சிறந்த வீராங்கணையாக சிமோன் பைல்ஸ் தேர்வு

25 views

தீவிரவாத தாக்குதலில் உயிரிழந்த சி.ஆர்.பி.எப். வீரர்கள் - ரூ.5 லட்சம் நிதி வழங்கிய முகமது ஷமி

தீவிரவாத தாக்குதலில் உயிரிழந்த சி.ஆர்.பி.ஃஎப். வீரர்களின் குடும்பத்தினருக்கு கிரிக்கெட் வீரர் முகமது ஷமி 5 லட்சம் ரூபாய்க்கான காசோலையை வழங்கினார்.

45 views

தமிழ்நாடு தடகள கூட்டமைப்பின் நடை போட்டி

தமிழ்நாடு தடகள கூட்டமைப்பின் சார்பில் சென்னையில் நடத்தப்பட்ட 'நடை' போட்டியில், ஏராளமான போட்டியாளர்கள் பங்கேற்றனர்.

53 views

"வீரர்கள் குழந்தைகளின் கல்வி செலவை ஏற்கிறேன்" - முன்னாள் கிரிக்கெட் வீரர் சேவாக்

காஷ்மீரில் தற்கொலைப்படை தாக்குதலில் உயிரிழந்த வீரர்களின் குழந்தைகள் கல்வி செலவை ஏற்பதாக கிரிக்கெட் வீரர் வீரேந்திர சேவாக் அறிவித்துள்ளார்.

150 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.